.gif)
_(1).gif)
.jpg)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक ०.९८ प्रतिशत अर्थात १९.५६ अंकले घटेर १ हजार ९७२.१४ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.८६ प्रतिशतले घटेर ३५०.४७ विन्दुमा झरेको छ । यो दिन नेप्सेमा सूचीकृत मध्ये ३१५ वटा कम्पनीको ५३ लाख ४४ हजार ६१३ कित्ता सेयर २ अर्ब ९ करोड ३६ लाख रुपैयाँभन्दा बढीको कारोबार भएको छ ।
आजको बजारबारे नेपाल इन्भेष्टर फोरमका निवर्तमान अध्यक्ष छोटेलाल रौनियार भन्छन्, ‘सरकारले बोले अनुसार काम नगर्दा सेयर बजार बढ्न सकेको छैन । अर्थमन्त्रीले उधारो आश्वासन मात्रै दिए । उनले आफुले सक्ने ब्रोकर कमिसन र पूँजीगत लाभकर घटाउने काम समेत गर्न सकेनन् । अहिले लगानीकर्ता अभिभावकविहन बनेका छन् ।’
पूँजी बजारलाई उकास्नका लागि राहात प्याकेज ल्याउन आवश्यक रहेको रौनियाले बताए ।
त्यस्तै सेयर लगानीकर्ता संघ नेपालका कार्यवाहक अध्यक्ष तारा फुलेलले पनि अर्थमन्त्रीको झुठो आश्वासनका कारण बजारमा सुधार नआएको बताए । ‘अहिले ब्याजदर घटेर न्यून विन्दुमा आउँदा पनि कर्जा विस्तार भएको छैन । ऋण लिएर लगानी गर्दा फसिने डर छ । त्यसैले सरकारले राष्ट्र बैंकसँग समन्वय गरेर नीतिलाई सहज बनाउनुपर्छ ।’ उनले भने ।
राष्ट्र बैंकले सर्कुरबाटै नीतिगत सुधार गर्न सक्ने र यसका लागि मौद्रिक नीतिको समीक्षा नै कुर्नु आवश्यक नरहेको उनले बताए । यद्यपी बजार धेरै घटेकोले आगामी साताबाट बजार फर्कनेमा भने फुलेल विश्वस्त देखिए ।
(1).gif)
यो दिन नेप्सेमा सूचीकृत १३ वटै समूहमा गिरावट आएको छ । बैंकिङ समूह ०.४८ अंकले घटेको आज विकास बैंक १.४६,वित्त ०.८५, होटल १.०४, हाईड्रो १.१६,लगानी ०.८५,जीवन बीमा ०.५१,उत्पादन तथा प्रशोधन १.५४,लघुवित्त १.७२,म्युचुअल फण्ड ०.२२,निर्जीवन बीमा ०.८७ र अन्य १.२५ प्रतिशतले घट्यो ।
धेरै कारोबार गर्ने कम्पनीहरु
यो दिन गोर्खाज फाइनान्सको सर्वाधिक सेयर कारोबार भएको छ । आज यो कम्पनीको १७ करोड ८२ लाख बढीको सेयर कारोबार भएको छ ।
त्यस्तै सूर्यज्योति लाइफ इन्स्यारेन्सको १० करोड ५१ लाख,पोखरा फाइनान्स ७ करोड ३७ लाख,शिवम् सिमेन्टको ५ करोड ४५ लाख र हिमालयन रि इन्स्योरेन्सको ५ करोड ३० लाख बढीको सेयर कारोबार भएको छ ।
धरै कमाउने र गुमाउने कम्पनीहरु
यो दिन खानीखोला हाईड्रोको सेयरमूल्य सर्वाधिक अर्थात ७.६४ प्रतिशतले बढ्यो । यो दिन पोखरा फाइनान्सको सेयरमूल्य ६.२१ प्रतिशत,मध्य भोटेकोशीको ५.७० र पिपुल्स पावरको सेयरमूल्य ५.५९ प्रतिशतले बढ्यो ।
आज रुरु जलविद्युत कम्पनीको सेयरमूल्य सर्वाधिक अर्थात ९.९९ प्रतिशतले घट्यो । आज गोर्खाज फाइनान्सको सेयरमूल्य पनि ९.३९ र सिवाईसी नेपाल लघुवित्तको सेयरमूल्य ६.१२ प्रतिशतले घट्यो ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
