.gif)
_(1).gif)
.png)
.png)
काठमाण्डौ । चालु आर्थिक वर्षको तेस्रो त्रैमाससम्म समृद्धि फाइनान्स कम्पनी लिमिटेड ६ करोड ९३ लाख रुपैयाँ घाटामा रहेको छ । यो घाटा अघिल्लो आवको सोहि अवधिको तुलनामा ४८ प्रतिशतले कम हो । अघिल्लो आवको तेस्रो त्रैमाससम्म कम्पनी १३ करोड ३४ लाख रुपैयाँ घाटामा थियो ।
समीक्षा अवधिसम्म कम्पनीको खुद ब्याज आम्दानी पनि घटेको छ । कम्पनीको खुद ब्याज आम्दानी १४.४९ प्रतिशतले घटेर ५ करोड ३२ लाख रुपैयाँमा सीमित बनेको छ । अघिल्लो आवको चैत मसान्तसम्म ५ करोड ८३ लाख रुपैयाँले ऋणात्मक रहेको कम्पनीको खुद सञ्चालन आम्दानीमा सुधार आएको छ । कम्पनीले समीक्षा अवधिसम्म २ कररोड १० लाख रुपैयाँ खुद सञ्चालन आम्दानी आर्जन गरेको छ ।
कम्पनीको कर्मचारीका लागि ५ करोड १८ लाख र २ करोड ८५ लाख रुपैयाँ अन्य सञ्चालन खर्च गरेको छ । कम्पनीले इम्पेयरमेन्ट चार्जका लागि ४ करोड १२ लाख रुपैयाँ छुट्टाएको छ । अघिल्लो आवमा कम्पनीले इम्पेयरमेन्ट चार्जका लागि १२ करोड ६२ लाख रुपैयाँ छुट्टाएको थियो ।
(1).gif)
कम्पनीको रिटेन्ड अर्निङ ५३ करोड ६१ लाख रुपैयाँले ऋणात्मक छ भने रिजर्भको आकार २३ करोड ४५ लाखबाट बढेर २६ करोड ५६ लाख रुपैयाँ पुगेको छ ।
१ अर्ब ९० करोड रुपैयाँबराबरको निक्षेप संकलन गरेको कम्पनीले १ अर्ब ४३ करोड रुपैयाँबराबरको कर्जा प्रवाह गरेको छ । कम्पनीको खराब कर्जा अनुपात १३.४९ प्रतिशतबाट बढेर १७.२३ प्रतिशत पुगेको छ ।
यस्तै कम्पनीको वितरणयोग्य मुनाफा ५३ करोड ६१ लाख रुपैयाँले ऋणात्मक छ । कम्पनीको प्रतिसेयर आम्दाी(ईपीएस) ११.३० रुपैयाँ ऋणात्मक रहेको छ ।
.gif)
.png)
(91).jpg)
(4).png)
.jpg)
(1).jpg)
(1).gif)
.gif)
