.gif)
_(1).gif)
.png)
काठमाण्डौ । फरवार्डमाइक्रो फाइनान्स लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमासको अपरिष्कृत वित्तीय विवरण सार्वजनिक गरेको छ । वित्तीय विवरणअनुसार संस्थाले तेस्रो त्रैमाससम्ममा ११ करोड ६५ लाख रुपैयाँ खुद नाफा कमाएको छ । जुन अघिल्लो आवको सोहि अवधिको तुलनामा १६७.१५ प्रतिशतले धेरै हो । अघिल्लो आवको सोहि अवधिसम्म संस्थाले ४ करोड ३६ लाख रुपैयाँ खुद नाफा आर्जन गरेको थियो ।
समीक्षा अवधिसम्म संस्थाको खुद ब्याज आम्दानी पनि ६.१६ प्रतिशतले बढेको छ । अघिल्लो आवको तेस्रो त्रैमाससम्म ८२ करोड ७२ लाख रुपैयाँ रहेको संस्थाको खुद ब्याज आम्दानी बढेर ८७ करोड ८२ लाख रुपैयाँ पुगेको छ ।
तेस्रो त्रैमाससम्म संस्थाले ५९ करोड ८९ लाख रुपैयाँ खुद सञ्चालन आम्दानी गरेको छ । यो रकम अघिल्लो आवको तुलनामा २०.९६ प्रतिशतले धेरै हो । कर्मचारीका लागि ३४ करोड १४ लाख रुपैयाँ खर्च गरेको संस्थाको अन्य सञ्चालन खर्च भने ६ करोड ७४ लाख रुपैयाँ रहेको छ । संस्थाले इम्पेयरमेन्ट चार्जका लागि ४२ करोड १५ लाख रुपैयाँको व्यवस्था गरेको छ । संस्थाको खराब कर्जा अनुपात भने वृद्धि भएको छ । अघिल्लो आवको तेस्रो त्रैमाससम्म ५.८६ प्रतिशत रहेको खराब कर्जा अनुपात बढेर ८.२६ प्रतिशत पुगेको छ ।
संस्थाको रिटेन्ड अर्निङमा ५०.१० प्रतिशतको गिरावट आएको छ । यससँगै संस्थाको रिडेन्ड अर्निङ ३३ करोड ८७ लाख रुपैयाँमा सीमित बनेको छ । रिजर्भको आकार भने ९९ करोड ५१ लाखबाट बढेर १ अर्ब ४४ करोड पुगेको छ ।
(1).gif)
संस्थाको निक्षेप संकलन ८ अर्ब ७६ करोड र कर्जा प्रवाह १९ अर्ब ८२ करोड रुपैयाँ रहेको छ । संस्थाको वितरणयोग्य मुनाफा ३३ करोड ८७ लाख रुपैयाँबराबर छ ।
समीक्षा अवधिसम्म संस्थाको प्रतिसेयर आम्दानी ह्वात्तै बढेको छ । अघिल्लो आवको तेस्रो बैमाससम्म ५.५१ रुपैयाँ रहेको प्रतिसेयर आम्दानी(ईपीएस)बढेर १४.७२ रुपैयाँ पुगेको छ । संस्थाको प्रतिसेयर नेटवर्थ २६९.३४ रुपैयाँ, प्रतिसेयर कुल सम्पत्तिको मूल्य १ हजार ९७३.६१ रुपैयाँ,मूल्य आम्दानी अनुपात ७६ गुणा र तरलता अनुपात ४.८८ प्रतिशत कायम भएको छ ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
