भगवति हाइड्रोपावरको ५७.८५ लाख कित्ता सेयरको लक इन अवधि भदौमा समाप्त हुने

काठमाण्डौ । भगवति हाइड्रोपावर डेभलपमेन्ट कम्पनी लिमिटेडको २८ लाख कित्ता बढी सेयरको लक इन अवधि आगामी भदौ महिनामा समाप्त हुने भएको छ । कम्पनीको कुल ५७ लाख ८५ हजार ३८५ कित्ता सेयरको लक इन अवधि भदौ १७ गतेदेखि सकिन लागेको हो ।

कम्पनीको कुल सेयर संख्यामा संस्थापक सेयरधनीहरुको स्वामित्वमा रहेको ५० लाख ८६ हजार ७९९ कित्ता, स्थानीय बासिन्दाका लागि छुट्टाइएको ६ लाख ७८ हजार २३९ कित्ता र कम्पनीका कर्मचारीहरुका लागि बाँडफाँड गरिएको २० हजार ३४७ कित्ता रहेको छ ।

सञ्चालक तथा कम्पनीको उच्च व्यवस्थापकिय पदमा कार्यरत कर्मचारीहरुको हकमा भने नियमानुसार सेयर रोक्का रहने कम्पनीले जनाएको छ ।