.gif)
_(1).gif)
.png)
.png)
काठमाण्डौ । साताको पहिलो कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज बजार १.२३ प्रतिशत अर्थात २४.५८ अंकले घटेर १ हजार ९७४.३७ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.३६ प्रतिशतले घटेर ३५१.१८ विन्दुमा पुगेको छ । यो दिन नेप्सेमा सूचीकृत मध्ये ३१६ वटा कम्पनीको ९७ लाख ६२ हजार ८०३ कित्ता सेयर ३ अर्ब ७९ करोड ५७ लाख रुपैयाँभन्दा बढीको कारोबार भएको छ ।
आजको बजारबारे अर्थशास्त्री सूर्यनारायण पौडेल भन्छन्, ‘नयाँ अर्थमन्त्रीले बाचा गरे अनुरुप काम गर्न अझै सकेका छैनन् । जसका कारण लगानीकर्ताको मनोबल निकै खसेको छ । कारोबारी बाहेक अन्य ठूला लगानीकर्ता अझै पनि पर्ख र हेरको अवस्थामै छन् । त्यसैले बजारमा तरलता अधिक हुँदा पनि बजारमैत्रि नीति नहुँदा बजार बढ्न सकेको छैन । ’
राष्ट्र बैंकसँग पनि लगानीकर्ता ढुक्क हुन नसक्दा पनि बजारले गति नलिएको पौडेल बताउँछन् ।
अर्का बजार जानकार मेहेश रिजालको विचारमा बजारमा नयाँ फण्ड नआउँदा गति लिन नसकेको हो ।‘बजारमा लो क्याप मात्रै चले, लार्ज क्याप चल्न सकेनन् । सरकारले पनि लगानीकर्ताको मागलाई सम्बोधन गर्न सकेको छैन ।’
रिजालले केन्द्रीय बैंकले समीक्षामार्फत सेयर बजारलाई सम्बोधन गर्न नसकेमा बजारले गति लिन नसक्ने बताए ।
यो दिन नेप्सेमा सूचीकृत १३ वटा समूहमध्ये २ वटा समूह बाहेक अन्य सबै समूहमा गिरावट आएको छ । आज लघुवित्त समूह ०.१६ र निर्जीवन बीमा समूह ०.०४ प्रतिशतले बढे ।
आज विकास बैंक समूहमा सबैभन्दा धेरै गिरावट आएको छ । यो समूह २.६५ प्रतिशत घट्यो ।
(1).gif)
त्यस्तै बैंकिङ समूह १.१०, वित्त २.०३, होटल १.६८,हाईड्रो १.५९,लगानी १.३३,जीवन बीमा १.७२,उत्पादन तथा प्रशोधन २.३७,म्युचुअल फण्ड ०.२०,अन्य ०.८१ र व्यापार समूह ०.४९ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल फाइनान्सको सर्वाधिक सेयर कारोबार भएको छ । आज यो कम्पनीको १२ करोड ६४ लाख बढीको सेयर कारोबार भयो । हिमालयन डिष्टिलरीको ११ करोड ९० लाख,पोखरा फाइनान्सको ११ करोड ७० लाख,आइएमई लाइफ इन्स्योरेन्सको ११ करोड ५ लाख र साइन रेसुङ्गा डेभलपमेन्ट बैंकको ९ करोड ३४ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज दोल्ती पावरको सेयरमूल्य सर्वाधिक अर्थात ९.५६ प्रतिशतले बढ्यो । यो दिन साधना लघुवित्तको सेयरमूल्य ८.७२ र समता घरेलु लघुवित्तको सेयरमूल्य ८.७२ प्रतिशतले बढ्यो ।
यो दिन पिपुल्स पावरको सेयरमूल्य सर्वाधिक अर्थात ९.९२ प्रतिशतले घट्यो ।
त्यस्ते सिंगटी हाईड्रोको सेयरमूल्य ७.५५ प्रतिशत र हिमालयन डिष्टिलरीको सेयरमूल्य ६.३३ प्रतिशतले ओरालो लाग्यो ।
.gif)
.png)
.jpg)
.jpg)
(91).jpg)
(4).png)
.jpg)
(1).gif)
.gif)
