.gif)
_(1).gif)
काठमाण्डौ । नेपालीमा एउटा उखान छ, भाइ फुटे गवार लुटे । जसको अर्थ आफु–आफुबीचको प्रतिष्पर्धा र फुटको फाइदा प्रतिस्पर्धि वा अन्य तेस्रो पक्षलाई पुग्छ भन्नु हो । यो भनाई अहिले नेपाली सेयर बजारमा समेत चरितार्थ भएको छ ।
अहिले बजारमा लगानीकर्ताको सम्पति दैनिक घटेको छ । लगानीकर्ता दैनिक ११ बजेदेखि ३ बजेसम्म सम्पति गुमाईरहेका छन् । लगानीकर्ताहरुको हकहित संरक्षण गर्न भन्दै अहिले बजारमा दर्जनौ संघ–संगठन स्थापना भएका छन् । बेला बेलामा यी लगानीकर्ता संगठनबीच महासंघ स्थापनाको समेत चर्चा चल्ने गर्छ । तर विडम्बना के भने यी संगठनहरुले कहिल्यै पनि एक ठाँउमा उभिएर लगानीकर्ताको पक्षमा बोल्न सकेका छैनन् ।
पछिल्लोपटक केही पुराना लगानीकर्ताका संघहरु खासै सक्रिय भएका छैनन् । केही नयाँ लगानीकर्ता संघहरु पनि आपसमा नै शिशा झै टुक्रिदा नियामकलाई भने हाई सञ्चो भएको छ । अघिल्लो साता भृकुटी मण्डपमा बजार सुधारको माग गर्दै एकै ठाँउमा उभिएका लगानीकर्ताहरु पनि अहिले एक हुन सकेका छैनन् । लगानीकर्ताहरु दुई खेमामा विभाजित भएका छन् ।
उक्त आन्दोलनका अगुवा मध्येका एक तीलक कोइरलाले आफूले चाहे जसरी साथीहरु नचलेको र आन्दोलन स्थिगित गरेको भन्दै गएको शुक्रबार नै कमलपोखरीमा छट्टै भेला गरे । उनले नयाँ आन्दोलनको थालनी गर्ने भन्दै सामाजिक सञ्जालमा लेख्ने गरेका छन् ।
त्यति मात्रै होइन यो आन्दोलनमा अघि सरेका केही लगानीकर्ताबीच नै क्लबहाउसमा विवाद उत्पन्न हुँदा नियामकलाई थप सजिलो बनेको छ । नियामक निकायले लगानीकर्ताबीचको विवादको फाइदा उठाउँदै उनीहरुको माग सम्बोधनमा ढिलाई गरिरहेको पस्टै देख्न सकिन्छ । पुराना लगानीकर्ताका नेता तथा अगुवा लगानीकर्ताहरु नै सामान्य विषयमा एकजुट हुन नसक्दा लगानीकर्ताहरु मिचाइमा परेका छन् ।
(1).gif)
ब्रोकर हाउसमा भेटिएका केही लगानीकर्ताहरु भन्छन्‘हामी साढेको जुधाइ बाच्छाको मिचाइमा पर्यौ । लगानीकर्ताहरुको पक्षमा बोल्छौ भन्ने नेताहरु नै अहिले एक जुट हुन नसक्दा नियामकले पेल्यो ।’
नेपाल सेयरधनी संघका अध्यक्ष घनश्याम पाण्डेले नियामक निकायले फुटाउ र राजनीति गर भन्ने नीति लिएको बताए । पाण्डेले भन्छन्,‘हाम्रो लामो समयदेखि लगानीकर्ताहरुको एकै महासंघ हुनु पर्छ भन्ने माग हो । हामी त्यसको लागि तयार छौं । हामी ५ संगठन एक ठाँउमा पनि छौं । अब तीन संगठन पनि एक हुनु आबश्यक छ । होइन भने हामीलाई नियामकले पेलेको पेल्यै गर्छ । आन्दोलमा पनि हामीले साथीहरुलाई आह्वान गरेकै हौं । अझै पनि हाम्रो प्रयास एक भएर सशक्क्त रुपमा अगाडी बढ्ने हो ।’
त्यस्तै लगानीकर्ता हरि बहादुर केसीले सबै लगानीकर्ताका नेताहरु एक हुनुको विकल्प नरहेको बताए ।
.png)
.jpg)
.jpg)
.jpg)
.gif)
(1).gif)
.gif)
