.gif)
(2).gif)
.png)
_(1).gif)
.png)
काठमाण्डौ । डिप्रोक्स लघुवित्त वित्तीय संस्था लिमिटेडको खुद नाफा ८.८६ प्रतिशतले घटेको छ । संस्थाले चालु आवको तेस्रो त्रैमाससम्ममा २५ करोड २९ लाख रुपैयाँ खुद नाफा आर्जन गरेको छ । अघिल्लो आवको सोहि अवधिसम्म भने संस्थाले २७ करोड ७५ लाख रुपैयाँ मात्रै खुद नाफा कमाएको थियो ।
यो अवधिसम्म संस्थाको खुद ब्याज आम्दानी भने वृद्धि भएको छ । तेस्रो त्रैमाससम्म संस्थाले ९७ करोड ९० लाख रुपैयाँ खुद ब्याज आम्दानी गरेको छ । जुन अघिल्लो आवको सोहि अवधिको तुलनामा ४.०५ प्रतिशतले धेरै हो ।
संस्थाको खुद सञ्चालन आम्दानी ०.८६ प्रतिशतले घटेर ९९ करोड ७१ लाख रुपैयाँ पुगेको छ । संस्थाको कर्मचारी खर्च ४६ करोड ९२ लाख ऋणात्मक र अन्य सञ्चालन खर्च १४ करोड २३ लाख रुपैयाँले ऋणात्मक अवस्थामा छ ।
संस्थाको रिटेन्ड अर्निङ ३७ करोड ९६ लाख , र रिजर्भको आकार १ अर्ब २६ करोड ६९ लाख रुपैयाँ रहेको छ । अघिल्लो आवको तेस्रो त्रैमाससम्म भने संस्थाको रिजर्भको आकार १ अर्ब १८ करोड रुपैयाँमा सीमित थियो । संस्थाको चुक्तापूँजी १ अर्ब ७० करोड ६१ लाख रुपैयाँ रहेको छ ।
.gif)
तेस्रो त्रैमाससम्म संस्थाको निक्षेप संकलन र कर्जा प्रवाह वृद्धि भएको छ । अघिल्लो आवको तेस्रो त्रैमाससम्म ९ अर्ब ४ करोड रुपैयाँ रहेको निक्षेप संकलन बढेर ९ अर्ब ३५ करोड रुपैयाँ पुगेको छ ।
त्यस्तै कर्जा प्रवाह पनि १९ अर्ब ९४ करोड रुपैयाँबाट बढेर २२ अर्ब ९० करोड रुपैयाँ पुगेको छ । संस्थाको वितरणयोग्य मुनाफा ३७ करोड ९६ लाख रुपैयाँ रहेको छ ।
संस्थाको इम्पेयरमेन्ट चार्ज १६ करोड ४० लाख रुपैयाँले ऋणात्मक अवस्थामा छ । संस्थाको खराब कर्जा अनुपात ह्वात्तै बढेको छ । संस्थाको खराब कर्जा अनुपात ४.४९ प्रतिशतबाट बढेर ८.२५ प्रतिशत पुगेको छ ।
समीक्षा अवधिसम्म संस्थाको प्रतिसेयर आम्दानी(ईपीएस) घटेको छ । अघिल्लो आवको तेस्रो त्रैमाससम्म २४.२५ रुपैयाँ रहेको ईपीएस घटेर १९.७७ रुपैयाँमा सीमित बनेको छ ।
.png)
(186).jpg)
.jpg)
(1).jpg)
(1).gif)
.gif)
