.gif)
_(1).gif)
.jpg)
काठमाण्डौ । नियमित स्तम्भ ‘ग्राउण्ड जिरो’लाई यो साता पनि हामीले निरन्तरता दिएका छौं । यो साता पनि हामीले विभिन्न ब्रोकर हाउसहरु पुगेर लगानीकर्ताको विचार बुझ्ने प्रयास गरेका छौं । यसै क्रममा आज हामी सबैभन्दा पहिले कालिकास्थानमा रहेका नेपाल स्टक हाउस (स्टक ब्रोकर नम्बर १४) मा पुग्यौं । यस ब्रोकरमा लगानीकर्ताको उपस्थिति राम्रै थियो । लगानीकर्ताहरु ब्रोकर हाउसमा रहेको डिस्प्ले हेर्नमा व्यस्त थिए । आजको प्रि ओपनमा राम्रै अंकले बढेको बजारमा नियमित सेसनमा भने केही अंकको करेक्सन पनि आएको थियो । तर बजार आज दिनभरको काराबोरमा भने सकरात्मक नै रह्यो ।
लगानीकर्ता विभिन्न कम्पनी विशेषका बारेमा चर्चा पनि गरिरहेका थिए । ‘कृषी विकास बैंक पनि राम्रै बढेछ । नाफा बुक गरौ है । एक लगानीकर्ताले आफ्ना सहपाठीहरुलाई आह्वान गरेको सुनियो । ‘अहिले नै कहाँ बेच्नु ? पख्नुस्, बैंकहरु बढ्नै बाँकी छ । उनीसँगै बसेका एक लगानीकर्ताले भने ।
लगानीकर्ता ब्रोकर आउने क्रम जारी नै थियो । यत्तिकैमा एक जना लगानीकर्ता खुसी मुद्धामा प्रवेश गरे । केहि समयको विश्रामपछि उनले मुख खोले,‘मौद्रिक नीतिको समीक्षाले बैंकहरुलाई सेयर किन्न दिएको छ । बैंकहरुले निर्जिवन बीमा कम्पनी किन्छन् । आज यिनै कम्पनीको सेयरमूल्य बढिरहेको छ ।’
यसै ब्रोकरमा भेटिएका अर्का एक लगानीकर्ताले आफूले गोर्खाज फाइनान्स किनेको तर सेयरमूल्य भने नबढिरहेको गुनासो गरे । नजिकै बसेका एक लगानीकर्ताले उनको गुनासोका बारेमा टिप्पणी गर्दै भने,‘ खेलाडीको सेयर, बजार बढ्दा भने बढ्दैन । तपाई पनि यस्ता स्क्रिप्टको पछि लाग्नु भएछ । अब राम्रै टोपि लगाउनु हुने भयो ।’
‘अब के गर्ने ? १५ सयको आशा देखाएर भिडाई त हाले ।’ ती लगानीकर्ताले आत्मग्लानीयूक्त आवाजमा भने । यसै ब्रोकरमा भेटिएका केही लगानीकर्ताहरु भने नेपाल इन्स्योरेन्स , सिटिजन्स लाइफ इन्स्योरेन्स जस्ता कम्पनीको चर्चा गर्दै थिए । ब्रोकर हाउमा यस्तै गल्फति चल्दै थिए । यहाँबाट हामी न्यू प्लजास्थित प्रिमिएर सेक्युरिटिज स्टक ब्रोकर नम्बर ३२ मा पुग्यौं ।
यो ब्रोकर हाउसमा अघिल्ला दिनहरु भन्दा लगानीकर्ताको संख्या निकै बढेको थियो । यस ब्रोकरमा पनि इन्स्योरेन्स कम्पनीहरुको चर्चा चलिरहेको थियो । केही लगानीकर्ताहरुले एनएलजी , शिखर इन्स्यारेन्स र नेपाल लाइफ जस्ता कम्पनीहरुको चर्चा गरेको सुनियो । एक लगानीकर्ताले एक चिरपरिचित बैंकरले बजारप्रति नकरात्मक स्टाटस राखेको बारे चर्चा गरेको पनि सुनियो । यस बेला सम्म बजार ४६ अंकले बढेको थियो । कारोबार पनि ३ अर्बमाथि भएको थियो । लगानीकर्ताहरु आज कारोबार ५ अर्बमाथि हुने तर्क गर्दै थिए ।
(1).gif)
केही समयको बसाईपछि हामी नजिकै रहेको सेक्योर्ड सेक्युरिटिज (स्टक ब्रोकर नम्बर ३६) मा पुग्यौं । यस ब्रोकरमा एक जना उमेरले पाका लागनीकर्ता ढाका टोपी ढल्काएर ब्रोकर हाउसमा यताउता गरेको देखियो । एक जना लगानीकर्ताले भने,‘मलाई त साथिहरु छोटो समयमा मितेरी डेभलपमेन्ट बैंकमा प्रतिकित्ता एक सय फाइदा भयो । यो कम्पनी के कस्तो हो मलाई केही थाहा छैन । एक जना साथिले भनेर किनेको राम्रै भयो ।’
केही लगानीकर्ता बजेटसम्मै बजार बढ्ने ठोकुवा गर्दै थिए । एक जना लगानीक्र्ताले बितेको १० वर्षमा सेयर बजारबाट मनग्य कमाएको बताए । उनीसँगै बसेका लगानीकर्ताले भने,‘हामी भने डुबेका डुब्यै छौं । तपाईले कसरी कमाउनु भयो त ?’
उनको प्रश्नको उत्तर दिदैं ती लगानीकर्ताले भने,‘यो बजारमा सबै भन्दा ठूलो कुरा भनेको ज्ञान र धैर्यता रहेछ । यो १० वर्षमा मैले कमाएको सबैभन्दा ठूलो कुरो भनेको यही हो ।’
उनको कुरा सुनेर ब्रोकर हाउसमा हाँसोको फोहोरा छुट्यो । आज बजार ठूलो अंकले बढेकाले लगानीकर्ता खुसी देखिन्थे ।
.png)
.jpg)
.jpg)
.jpg)
.gif)
(1).gif)
.gif)
