.gif)
_(1).gif)
.jpg)
.png)
काठमाण्डौ । भारतीय धनाढ्य तथा अडाणी ग्रुपका मालिक गौतम अडाणी एशियाको सबैभन्दा धनी व्यक्तिको सूचीबाट बाहिरिएका छन् । भारतको निर्वाचन परिणामका कारण सेयर बजारमा आएको तीव्र गिरावटले सम्पत्ति घट्दा अडाणी एशियाको शीर्ष धनाढ्यको सूचीबाट बाहिरिएका हुन् ।
मंगलबार भारतको सेयर बजारमा आएको व्यापक गिरावटका अडाणीको कम्पनीको सेयरमूल्यमा तीव्र गिरावट आएको थियो । गौतम अडाणीको सम्पत्तिमा भारतका अर्का धनाढ्य मुकेश अम्बानीको तुलनामा बढी गिरावट आएको छ । यो गिरावटबाट उनको २ लाख करोड भारु स्वाहा भएको छ । घट्दो नेटवर्थका कारण उनले एशियाकै धनी व्यक्तिको ताज समेत गुमाएका छन् ।
गौतम अडाणी गत आईतबार मुकेश अम्बानीलाई पछि पार्दे १६ महिनापछि पुनःएशियाकै धनी व्यक्ति बन्न सफल भएका थिए । तर उनले यो ताज ४ दिनमै गुमाउन पुगेका छन् ।
(1).gif)
मंगलबार भारतको सेन्सेक्स इन्डेक्स ६ हजारभन्दा बढी अंकले घटेको थियो । त्यस्तै निफ्टी ५० पनि १९०० अंकले घटेको थियो । तर बजार बन्द हुँदा भने सेन्सेक्स २ हजार अंक र निफ्टी ७ सय अंकले घटेका थिए । सेयर बजारमा आएको यो गिरावटका कारण अडाणीलाई भारी नोक्सानीको सामना गुर्नपरेको छ । ब्लूमबर्ग इन्डेक्सका अनुसार उनको नेटवर्थ एकै दिनमा २४.९ अर्ब डलरले घटेको छ । यो गिरावटका कारण अडाणीको कुल सम्पत्ति १०० अर्ब डलरभन्दा तल झरेको छ । अहिले उनको कुल सम्पत्ति ९७.५ अर्ब डलरमा सीमित बनेको छ ।
यससँगै गौतम अडाणीको स्थानमा पुनः मुकेश अम्बानी एशियाकै धनी व्यक्ति बनेका छन् । सेयर बजारको गिरावटका कारण मुकेश अम्बानीको सम्पत्तिमा पनि ८.९९ अर्ब डलर्को गिरावट आएको छ । यसको बाबजुत पनि उनको कुल सम्पत्ति १०६ अर्ब डलर कायम भएको छ । जुन अडाणीको भन्दा धेरै हो । यससँगै अम्बानी विश्वको ११ औं धनी व्यक्ति समेत बनेका छन् ।
मंगलबार गौतम अडाणीको कम्पनी अडाणी पोट्सको सेयरमूल्य २३ प्रतिशत, अडाणी इन्टरप्राइजेज्को २० प्रतिशत,अम्बुजा सिमेन्टको २० प्रतिशत,एनडीटीभीको २० प्रतिशत,अडाणी पावरको १८ प्रतिशत,अडाणी ग्रीन ईनर्जीको १८ प्रतिशत र अडाणी टोटल ग्यासको सेयरमूल्य १६ प्रतिशतले घटेको छ ।
.png)
.jpg)
.jpg)
.jpg)
.gif)
(1).gif)
.gif)
