.gif)
_(1).gif)
काठमाण्डौ । सानिमा क्यापिटलद्वारा सञ्चालित तीनवटै म्युचुअल फण्डहरुको पुस महिनामा खुद सम्पत्ति मूल्य (न्याभ) बढेको छ । सानिमा इक्विटी फण्ड, सानिमा लार्ज क्याप फण्ड र सानिमा ग्रोथ फण्डको खुद नाफासहित न्याभ बढ्न पुगेको छ ।
मंसिर महिनाको तुलनामा यी तीनवटै फण्डको न्याभ, खुद नाफा र सूचीकृत सेयरमा लगानी बृद्धि भएको छ । पुसमा सबैभन्दा बढी सानिमा इक्विटी फण्डको न्याभ ११.४३ रुपैयाँ पुगेको छ । मंसिर महिनाको तुलनामा सो फण्डको न्याभ ४१ पैसाले बृद्धि भएको हो ।
(1).gif)
त्यस्तै, सानिमा लार्ज क्याप फण्डको न्याभ पनि ५१ पैसाले बढेर १०.०९ रुपैयाँ पुगेको छ । मंसिरमा फण्डको न्याभ ९.५८ रुपैयाँ थियो । यसका साथै सानिमा ग्रोथ फण्डको न्याभ पनि ६५ पैसाले बृद्धि भई ११.०६ रुपैयाँ पुगेको छ । मंसिरमा सो फण्डको न्याभ १०.४१ रुपैयाँ थियो ।
केही समययता दोस्रो बजारमा एकाएक सुधार देखिएपछि फण्डहरुको नाफासहित न्याभ बढ्न पुगेको क्यापिटलका स्किम म्यानेजर पुण्य राम कासिछ्वाले बताए ।
सो अवधिसम्म सबैभन्दा बढी सानिमा ग्रोथ फण्ड नाफामा छ । फण्डले पुष मसान्तसम्म ५ करोड ३० लाख रुपैयाँ नाफा कमाएको छ । त्यस्तै, सानिमा लार्ज क्याप फण्डले पनि पुष मसान्तसम्म ३ करोड ७३ लाख रुपैयाँ र सानिमा इक्विटी फण्डले १ करोड ८७ लाख रुपैयाँ नाफा कमाएको छ ।
सूचीकृत सेयरमा लगानी कुनको कति ?
सानिमा क्यापिटलका यी तीन म्युचुअल फण्डले पुष महिनामा सूचीकृत सेयरमा कुल २ अर्ब ३१ करोड २ लाख रुपैयाँ लगानी गरेको छ । सबैभन्दा बढी सानिमा इक्विटी फण्डले विभिन्न म्युचुअल फण्डसहित १०२ वटा कम्पनीको सेयरमा कुल १ अर्ब ८ करोड ३० लाख रुपैयाँ लगानी गरेको छ ।
त्यस्तै सानिमा लार्ज क्याप फण्डले पनि पुस महिनामा १०४ वटा कम्पनीको सेयरमा कुल ८१ करोड ७९ लाख रुपैयाँ लगानी गरेको छ । यता सानिमा ग्रोथ फण्डले पनि ७२ वटा कम्पनीको सेयरमा ४१ करोड ७५ लाख रुपैयाँ लगानी गरेको छ । मंसिर महिनाको तुलनामा पुसमा यी तीनवटै फण्डको लगानी बृद्धि भएको छ ।
.gif)
.png)
(86).jpg)
.jpg)
.jpg)
.gif)
.gif)
