.gif)
(1).gif)
.png)
काठमाण्डौ । हालका मितिसम्म विश्वभर सिंगल स्क्रिन भएको ल्यापटप प्रयोग भईरहेको छ । तर अब विश्वमै पहिलोपटक डुअल(दुईवटा)स्क्रिन भएको ल्यापटप समेत लञ्च भएको छ । दुईवटा स्क्रिन भएको यो ल्यापटपको नाम एसम्याजिक एक्सवान हो ।
यो ल्यापटपमा अगाडि पछाडि गरेर दुईवटा स्क्रिन रहेको छ । यो स्क्रिनलाई ३६० डिग्रीमा घुमाउन पनि सकिन्छ । यसलाई फ्लिप स्क्रिन समेत भन्न सकिन्छ । यदि प्रयोगकर्ताले यसलाई साइड बाई साइड डिस्प्ले जस्तै प्रयोग गर्न चाहन्छन् भने सजिलै गर्न सक्छन् ।
यो ल्यापटपमा ब्याक टु ब्याक मोड पनि दिइएको छ । जसको सहायताले अगाडि बसेको व्यक्तिलाई पनि ल्यापटपको स्क्रिन देखाउन सकिन्छ । यस्तोमा यो ल्यापटप स्क्रिन प्रिजेन्टेशन,प्लेइङ गेम्स र चलचित्र आदि हेर्न धेरै नै उपयोगी हुनसक्ने जनाइएको छ । यसको मूल्यको बारेमा केहि पनि जानकारी उपलब्ध गराइएको छैन ।
.gif)
उसो त बजारमा कयौँ प्रकारका डुअल स्क्रिन भएका ल्यापटप पाइन्छन् । तर यी ल्यापटपको स्क्रिन एउटै आकारको भने हुँदैन । न त यी ल्यापट भर्टीकली रुपमा एक अर्कामा जोडिएका नै हुन्छन् ।
एसम्याजिक एक्सवानमा १२ औं जेनेरेशन इन्टेल कोर आई सेभेन १२५५यु प्रोसेसर प्रयोग गरिएको छ । यसमा १४ इन्चको फुल एचडी स्क्रिन रहेको छ । यो ल्यापटप १६ जीबी डुअल च्यानल डीडीआर४ र्याम र १टीबी एसएसडी स्टोरेजमा उपलब्ध छ ।
यो ल्यापटप युएसबी टाइप सी, युएसबी ३.० टाइप ए र एचडीएमआई २.० पोर्ट, दुईवटा युएसबी सी पोट्समध्ये कुने एकबाट चार्ज गर्न सकिन्छ । यसमा वाइफाई ६,ब्लूटुथ ५.२ सपोर्ट पनि उपलब्ध छ ।
.gif)
.png)
.jpg)
.jpg)
.gif)
.gif)
.gif)
