.gif)
_(1).gif)
.jpg)
काठमाण्ठौं । विगत ३ वर्षदेखि निरन्तर ओरालो लागिरहेको सेयर बजारमा सुधारका संकेतहरु देखिन थालेका छन् । यो अवधिमा लगानीकर्ताहरु निकै पीडामा थिए । गएको ३६ महिनामा बजार ३२ सय विन्दुबाट खसेर १८ सय सम्म आएको थियो । २६ महिना भन्दा बढी समय बजार साइडवेज चल्यो ।
बजारमा नयाँ आर्थिक वर्षसँगै नयाँ राजनितिक सत्ता समीकरण बनेपछि लगानीकर्ताहरुको मनोबल राम्रै बढेको छ । आज बजार ७० अंकले बढ्दा ब्रोकरहाउहरुमा भने निकै उत्साह देखियो । आज सुरुवाति समयमा केही धर्मराएको बजार १२ बजे पछि भने क्रमशः सम्महालिन पुग्यो । सेक्योर्ड सेक्युरिटिज (स्टक ब्रोकर नम्बर ३६) मा जम्मा भएका लगानीकर्ताहरु आज निकै उत्साहित देखिन्थे । यसै ब्रोकरमा भेटिएका पेशाले आफूलाई पूर्व शिक्षक बताउने एक लगानीकर्ताले भने, ‘हाम्रो त श्री सम्पति नै यही बजारमा छ । आज बजार ६० अंक भन्दा बढीले बढ्छ । सरकार र अर्थमन्त्री लगानीकर्ताले अपेक्ष गरे जस्तै आएका छन् । अब भने लगानीकर्ताका दुखका दिन गए ।’
यसबीचमा उनले आज हाईड्रो कम्पनीको सेयरमूल्यमा उछाल आउने आँकलन समेत गर्न भ्याए । ‘घर गएर अब श्रीमतिलाई सेयर बजार बढेको छ, जति दुःख पाउनु पाइयो, अब नमिठो खाँइदैन भन्ने हो । बजार घट्दाको तितो अनुभव ओकल्दै उनले भने, ‘विगतमा घटेको बेला त साथीभाईलाई एक कप चिया खुवाउन पनि गाह्रो हुने रहेछ । अब त सेयर बजारले दिन थल्यो ।’
(1).gif)
यसो भन्दै सेयर किन उठेर ती लगानीकर्ता ट्रेडिङ शखातर्फ गए । ट्रेडिङ शाखाबाट फर्केर आए पछि उनले फेरी मोबाइल लिएर डिस्प्लेको फोटो खिच्दै ठट्यौलि पारामा भने,‘ यो फोटो त राती पनि उठेर हेर्ने हो । बजार धेरै समयपछि हरियो भएको छ ।’
यसै ब्रोकरमा भेटिएका अर्को एक लगानीकर्ता पनि बस नै बेचेर सेयर बजारमा लगानी गरेकोे बताए । ‘रुटमा चल्ने बस थियो । बसको पेशा पनि निकै गाह्रो हुने रहेछ । मैले त १५ लाख जतिमा बस बेचिदिए । त्यो पैसा सेयर बजारमा हाइड्रोमा लगानी गरेको छु, फाइदा नै भएको छ । मायाखोलाले निकै माया गरेको छ,’ ती लगानीकर्ताले भने ।
राजधानीकै अर्को ब्रोकर भिजस सेक्युरिटिज (स्टक ब्रोकर नम्बर ३४) मा पनि लगानीकर्ताहरु निकै उत्साहित थिए । त्यहाँ पनि लगानीकर्ताहरुले अब लगानीकर्ताहरुको कठिन समय सकिएको बताउँदै थिए । लगानीकर्ता सस्ता र राम्रा कम्पनीमा उछाल आउने तर्क गरिरहेका थिए । कोहि भने आज हाइड्रो कम्पनीको दिन भएको र केही दिन अझै जलविद्युतमा उछाल आउने दाबी गर्दै थिए । आज राजधानीका अधिकांश ब्रोकर हाउसहरुमा बजार बढ्दा निकै उत्साह छाएको थियो ।
.gif)
.png)
(86).jpg)
.jpg)
.jpg)
.gif)
.gif)
