मस्कले जुकरबर्गलाइ फेरी दिए चुनौति,भन्छन्,‘ जुनसुकै ठाउँ र समयमा लड्न तयार छु’

काठमाण्डौ । विश्वका सबैभन्दा धनी व्यक्तिमध्ये एक तथा टेस्ला कम्पनीका मालिक एलन मस्कले पुनः मेटा कम्पनीका मालिक मार्क जुकरबर्गलाई चुनौति दिएका छन् । मस्कले जुकरबर्गसँग लडाईका लागि तयार रहेको बताएका छन् । मस्कले एउटा भिडियोमा आफू जुकरबर्गसँग जुनसुकै ठाउँ, जुनसुकै समय र जुनसुकै नियममा फाइट गर्न तयार रहेको बताएका छन् ।

मस्कको चुनौतिपछि जुकरबर्गले पनि जवाफ दिएका छन् । जुकरबर्गले सामाजिक सञ्जाल ‘थ्रियड्य’मार्फत जवाफ दिएका छन् । ‘के हामीलाई पुनः यो गर्न आवश्यक छ ?’

एलन मस्कको भिडियो फक्स न्यूजले सेयर गरेको छ । यो भिडियो अहिले इन्टरनेटमा भाईरन भईरहेको छ । यसअघि पनि मस्कले जुकरबर्गसँग फाइटका लागि तयार रहेको बताएका थिए । त्यसबेलान दुवै जनाले एक अर्कालाई लडाईका लागि आह्वान गर्दै मैदानमा उत्रने चुनौति दिएका थिए ।