.gif)
_(1).gif)
.jpg)
काठमाण्डौ । सेयर बजार सम्भावनाको खेल हो । यो बजारमा सम्भावना नै सम्भवना हुन्छ । तर यसमा निश्चितता भने हुँदैन । पछिल्लो पटक ३२ सय विन्दुबाट खसेको सेयर बजार लामो समयसम्म १८ सय देखि २२ सय विन्दमा अल्झिएको थियो । यो समय लगानीकर्ताका लागि निकै पीडादायी थियो ।
अवस्थाा यस्तोसम्म आएको थियो कि कतिपय लगानीकर्ताहरुको सेयर नै बैंकले बेचिदिएको थियो । कति लगानीकर्ताहरु सेयर बजारबाट नै पलाएन भएर विदेश समेत लागे । कतिपयले सेयर बजार छाडेर अन्य व्यवसाय अपनाएका थिए । कति लगानीकर्ताहरु दशैं ंजस्तो चाडपर्वमा पनि आफ्नो पुरानो थातथलो जान सकेनन् । सेयर बजारको गिरावटसँगै श्रीमान’श्रीमतिबीच ने मनमुटाव भएका समाचार पनि बाहिर आए ।
(1).gif)
५ औं पटकमा २२ सयलाई ग्याप अप ओपनिङ सहित फड्को मारेको बजार इन्ट्रा डे करेक्नस हुँदै आज २७६० मा बन्द भएको छ । बजार दिनहु बढेसँगै ब्रोकर हाउसहरुमा रौनक फर्किएको छ । अहिले ब्रोकर हाउहरुमा पार्किङदेखि बस्ने ठाँउसम्मको अभाब हुन थालेको छ ।
ब्रोकर हाउसमा नयाँ तथा पुराना लगानीकर्ताहरुको थामि नसक्नुको भीड देखिन थालेको छ । आज नासा सेक्युरिटिज (स्टक ब्रोकर नम्बर ५८)मा हामी पुग्दा लगानीकर्ताहरुको भीड थामिनसक्नु थियो । ब्रोकर हाउसमा नयाँ लगानीकर्ताहरुले डिम्याट खोल्न तथा सेयर बजारको विषयमा बुझ्न उल्लेखनिय रुपमा भिजिट गरेको पाइयो । यसै ब्रोकरमा भेटिएका एक जना लगानीकर्ताले आफू केही समय अघि सिड्नीबाट नेपाल आएको बताए । उनले आफू नेपाल आएको समयमा सेयर बजारले गति लिएकाले सेयर कारोबारको विषयमा बुझ्न ब्रोकर हाउस आएको बताए । ब्रोकर हाउसमा नयाँ लगानीकर्ताहरुको पनि भीड राम्रै थियो । लगानीकर्ताले अब महंगा भन्दा पनि सस्ता कम्पनीमा लगानीकर्ता नजर लागेको चर्चा गरेका थिए ।
क्रियटिभ सेक्युरिटिज (स्टक ब्रोकर नम्बर ४०) मा पनि लगानीकर्ताको भिड ठूलो थियो । लगानीकर्ताहरुमा खुसी र दंग देखिन्थे । ठट्यौली पारामा केही युवा लगानीकर्ता बजार बढेकाले अब बिहे गर्ने योजना समेत सुनाउँदै थिए । कोही भने दुबई घुम्न जानेसम्मको योजना बुन्दै थिए । केही कारोबारी लगानीकर्ता भने बेचेको सेयर बढेको देखेर दुख मनाउ गर्दै थिए ।
.gif)
.png)
(86).jpg)
.jpg)
.jpg)
.gif)
.gif)
