.gif)
_(1).gif)
.png)
काठमाण्डौ । आज अधिकांश एशियाली सेयर बजारमा वृद्धि देखिएको छ । आज जापानको सेयर बजार सूचक निक्की२२५ १.२ प्रतिशतले बढेको छ । जापानका केन्द्रीय बैंकका डेपुटी गभर्नरले ब्याजदर बढाउने निर्णय तत्कालै कार्यान्वयनमा नआउने बताएपछि सेयर बजारमा वृद्धि देखिएको हो ।
अघिल्लो दिन पनि निक्की२२५ मा हरियाली छाएको थियो । यस्तै आज दक्षिण कोरियाको कोप्सी पनि १.८ प्रतिशतले बढेको छ । हङकङको हाङसेङ पनि १.३ प्रतिशतले उकालो लागेको छ । ताइवानको ताईएक्स ३.९ प्रतिशतले बढेको छ ।
(1).gif)
गत सोमबार जापानको सेयर बजारमा सन् १९८७ पछिकै उच्च गिरावट आएको थियो । जापानको केन्द्रीय बैंकका डेपुटी गभर्नर सिनीची उनिडाले वित्तीय बजार अस्थिर रहेको बेला ब्याजदर वृद्धि गर्न नसकिने बताएका छन् । जसको प्रभाव त्यहाँको सेयर बजारमा देखिएको छ ।
जापानमा दशकौंदेखि न्यून ब्याजदर कायम रहेकाले धेरैजसो लगानीकर्ताले कर्जा लिएर बढी प्रतिफल दिने सेयर बजार जस्ता क्षेत्रमा लगानी गर्दै आईरहेका थिए । लगानीकर्ताको यही लगानी रणनीतिका कारण त्यहाँको सेयर बजार पछिल्लो समय निरन्तर बढिरहेको छ ।
डुपुटी गभर्नरको अभिव्यक्तिपश्चात अमेरिकी डलरको मूल्य २ प्रतिशतभन्दा बढीले बढेको छ । एक डलरबराबर १४७.७७ येन कायम भएको छ ।
.gif)
.png)
(99).jpg)
(14).jpg)
.jpg)
.jpg)
.gif)
.gif)
