.gif)
_(1).gif)
काठमाण्डौ । संधैको साता जस्तै आज पनि हामीले नियमित स्तम्भ ग्राउण्ड जिरोलाई निरन्तरता दिएका छौं । केही समयदेखि निरन्तर उकालो लागिरहेको बजारको बढाईले आज पनि निरन्तरता पाएको छ । हाल सेयर बजारमा विगतको बुल जस्तै रौनक छाएको छ । ब्रोकर हाउसमा नयाँ तथा पुराना लगानीकर्ताहरुको थामि नसक्नु भीड लागेको छ ।
यसै सिलसिलामा आज हामी नयाँ बानेश्वर र अनामनगरका केही ब्रोकर हाउसहरु पुगेर लगानीकर्ताहरुको विचार तथा मनोभावना बुझ्ने प्रयास गरेका छौ । आज हामी सबैभन्दा पहिले नागरिक स्टक डिलर (स्टक ब्रोकर नम्बर ६०) मा पुग्यौं । हामी यहाँ पुग्दा लगानीकर्ताहरुको उपस्थिति निकै बढिसकेको थियो ।
(1).gif)
लगानीकर्ताहरु आ–आफनो कम्प्युटर लिएर कारोबार गर्नमा मस्त थिए । आजको सुरुवाति सत्रमा बजार २८ सय आसपासमा तलमाथि गर्दै थियो । लगानीकर्ता बजारका विविध विषयमा छलफल गरिहेका थिए । यत्तिकैमा एक लगानीकर्ताले भने, ‘२८ सय विन्दुमा खड्को छ भन्थे हो रहेछ । बजार यहाँबाट माथि जान मुश्किल भयो ।’ सँगै बसका लगानीकर्ताले भने, ‘अन्तिम सम्म हेरौं न । अहिले नै निष्कर्ष निकाल्नु हतार होला कि ।’
लगानीकर्ता आफूले किने बेचेका कम्पनीको बारेमा समेत चर्चा गर्दै थिए । एक लगानीकर्ताले एचआईडीसीएलको सेयर किनेको बताए । ‘मेरो त एनआरएनको सेयर पनि किन्ने सोच थियो,’ उनले भने । उनलाई सेयर किन्न हतार नगर्न र मध्यान्हसम्म कुर्न उनका सहपाठी लगानीकर्ताले सुझाव दिए । यति बेलासम्म बजार करिब ४० अंकले बढेर कारोबार भईरहेको थियो ।
केही समयको बसाई पछि हामी बनेश्वरमा नै रहेको कलश सेक्युरिटिज (स्टक ब्रोकर नम्बर ७४) मा पुग्यौं । यहाँ पनि लगानीकर्ताहरुको उपस्थिति राम्रै थियो । यहाँ भेटिएका केही लगानीकर्ताहरुले बैंकबाट कर्जा लिएर सेयरमा लगानी गरेको बताए । यहाँ भेटिएका एक लगानीकर्ताहरुले केही बैंकका ब्रोकरहरुले मार्जिन कर्जा ब्रोकरबाट नै दिन थालेको पनि चर्चा गरेको सुनियो । ‘ब्रोकरले पनि सेयर किनेका छन् रे । मेरो साथिले एउटा बैंकको ब्रोकरमा गएको कर्जा दिएन भन्दै थिए,’ एक लगानीकर्ताले भने । ब्रोकरमा सेयर गफ चलिरहेकै थियो । अधिकांश लगानीकर्ता सेयरको जोडघटाउमा व्यवस्त थिए । कोही भने लगानीको रणनीति समेत बनाउँदै थिए । हेर्दाहेर्दै कारोबार खुलेको २ घण्टा बितिसकेको थियो । अब भने ब्रोकर हाउसमा लगानीकर्ताहरु बजारमा बुल सुरु भएको चर्चा गर्दै थिए ।
यसपछि हामी अनामनगरमा रहेको कालिका सेक्युरिटिज (स्टक ब्रोकर नम्बर ४६)तर्फ लाग्यौ । यहाँ पनि लगानीकर्ताहरुको राम्रै संख्यामा भेला भएका थिए । ब्रोकर हाउस खचाखच भरिएको थियो । बजारले २८ सयको विन्दु पार गरेको थियो । ‘लौ है साथिहरु बजारले २८ सयको खड्को पनि पार गर्यो । यो त ओली बुल हो । सेयर बजारमा बुल चरण चरणमा आएको छ, एक लगानीकर्ताले भने, ‘यस अघि सुरुमा बिष्णु पौडेलको बुल आएको थियो । त्यस पछि गभर्नरको बुल आयो । यो चाही ओली बुल हो । अब बजार अल टाइम हाई पुग्छ ।’
यो ब्रोकरमा केही समय व्यतित गरेपछि हामी इम्पेरियल सेक्युरिटिज (स्टक ब्रोकर ४५) मा पुग्यौं । यहाँ भेटिएका लगानीकर्ताहरुले आज जलविद्युत र माइक्रोफाइनान्स बढेको चर्चा गर्दै थिए । यहाँ भेटिएका एक लगानीकर्ताले अहिले बजारमा फाइनान्स र माइक्रोफाइनान्स समूहको भिडन्त सुरु भएको बताउँदै थिए ।
नोटः माथि उल्लेखित विषयहरु लगानीकर्ताले गरेका वार्तालापामा आधारित छन् । यहाँ चर्चा भएका विषयलाई आधार बनाएर लगानी नगर्न र लगानी गुर्नपूर्व आफ्नो स्वविवेक र ज्ञान उपयोग गर्न आग्रह गरिन्छ ।
.png)
.jpg)
.jpg)
.jpg)
.gif)
(1).gif)
.gif)
