.gif)
_(1).gif)
(1)(2).jpg)
.png)
काठमाण्डौ । नेपाल पुनर्बीमा कम्पनीले गत आर्थिक वर्ष २०८०/८१ को तेस्रो त्रैमासको अपरिष्कृत वित्तीय विवरण सार्वजनिक गरेको छ ।प्रकाशित विवरणअनुसार कम्पनीले गत आवको तेस्रो त्रैमाससम्ममा ५१ करोड ५८ लाख रुपैयाँ खुद नाफा आर्जन गरेको छ । यो रकम कम्पनीले अघिल्लो आवको सोही अवधिसम्म आर्जन गरेको ५९ करोड ६२ लाख रुपैयाँको तुलनामा १३.४९ प्रतिशतले कम हो ।
समीक्षा अवधिसम्म कम्पनीको खुद बीमाशुल्क आर्जन पनि घटेको छ । कम्पनीले तेस्रो त्रैमाससम्म ५ अर्ब १५ करोड रुपैयाँ खुद बीमाशुल्क आर्जन गरेको छ । जुन अघिल्लो आवको सोही अवधिको तुलनामा ८.५७ प्रतिशतले कम हो ।
कम्पनीले लगानी तथा कर्जामार्फत १ अर्ब २८ करोड रुपैयाँ र ८ करोड ४ लाख रुपैयाँबराबरको अन्य आम्दानी गरेको छ । कम्पनीको कुल आम्दानी ९.०३ प्रतिशतले घट्दै ६ अर्ब ५३ करोडमा सीमित बनेको छ ।
(1).gif)
कम्पनीले यो अवधिसम्म ३ अर्ब ६३ करोड रुपैयाँबराबर खुद दाबी भुक्तानी गरेको छ । अघिल्लो आवको सोही अवधिसम्म भने कम्पनीले ३ अर्ब ६७ करोड रुपैयाँबराबरको दाबी भुक्तानी गरेको थियो ।
कम्पनीको कुल खर्च पनि ८.७४ प्रतिशतले घटेर ५ अर्ब ७९ करोड रुपैयाँ पुगेको छ । अघिल्लो आवको तेस्रो त्रैमाससम्म कम्पनीको कुल खर्च ६ अर्ब ३५ करोड रुपैयाँ थियो ।
कम्पनीको महाविपत्ती कोषको आकार २७ करोड ६३ लाख र स्पेशल रिजर्भको आकार ३ अर्ब ९२ करोड रुपैयाँबराबर रहेको छ । कम्पनीको रिटेन्ड अर्निङमा ६१.८६ प्रतिशतले बढ्दै १ अर्ब ८ करोड रुपैयाँ पुगेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस)४.०३ रुपैयाँ ,प्रतिसेयर नेटवर्थ १४७.४५ रुपैयाँ, प्रतिसेयर कुल सम्पत्तिको मूल्य २३३.१२ रुपैयाँ र पिई अनुपात १९२.५५ गुणा कायम भएको छ ।
.gif)
.png)
.jpg)
.png)
.gif)
.gif)
