.gif)
_(1).gif)
.jpg)
.png)
काठमाण्डौ । जापानमा एक जोडी कैँची हराएपछि ३६ वटा उडान रद्द र २०१ वटा उडान प्रभावित भएका छन् । बोडिङ गेट नजिकको स्टोरमा एक जोडी कैँची हराएपछि शनिबार जापानको होक्कायडो न्यू चितोस एयरपोर्टको आन्तरिक टर्मिनल करिब २ घण्टाका लागि बन्द गरिएको थियो ।
जसका कारण हजारौं यात्रु अल्पकालका लागि अलपत्र परेका थिए । प्रस्थान कक्षमा यात्रुहरुको लामो लाइन लागेको र यात्रुहरुको पुनःचेकअप गरिएको थियो ।
विमानस्थलका अधिकारीहरुले हराएको कैँची खोज्ने प्रयास जोडतोडका साथ गरेको थिए र अन्त्यसम्म भोलीपल्ट उक्त स्टोरमै कैँची भेटिएको थियो ।
(1).gif)
शनिबारका दिन कैँची नभेटिएपनि उक्त दिन सेक्युरिटी चेकअप र फ्लाइटहरु भने सुचारु गरिएको थियो । होक्काइडो एयरपोर्टले सोमबार स्टोरकै कर्मचारीले उक्त कैँची भटेको जानकारी दिएको छ ।
अधिकारीहरुले भेटिएको कैँची हराएकै भनिएको पुष्टि गर्न जानकारी दिन केही ढिला भएको बताएका छन् । उडान अवरुद्धका कारण वार्षिक वोन होलिडे मनाउन यात्रा गरिरहेका हजारौं यात्रु मर्कामा परेका थिए ।
यसको घटना सार्वजनिक भएपछि जापानको जग्गा,पूर्वाधार,यातायात तथा पर्यटन मन्त्रालयले विमानस्थललाई घटनाको कारण र भविष्यमा यस्तो हुन नदिन रोकथाम गर्न अनुसन्धान गर्न निर्देशन दिएको छ ।
होक्काइडो विमानस्थल प्रशासनले यो घटना प्रयाप्त स्टोरेज र स्टोरमा व्यवस्थापन प्रणालीको अभावका कारण भएको जनाएको छ । ‘हामी सचेत छौं कि यो एक घटना हो, जुन विमान अपहरण वा आतंकवादसँग जोडिन सक्थ्यो र हामी पुनः व्यवस्थापन सचेतनाका लागि काममा लाग्ने छौं,’ विमानस्थल प्रशासनले भनेको छ ।
सामाजिक सञ्जाल एक्समा विमानस्थलले घटनाप्रति चालेको कदमको प्रशंसा भईरहेको छ । प्रयोगकर्ताहरुले यसले जापानको हवाई क्षेत्र कति सुरक्षित छ भन्ने प्रमाािणत गरेको बताएका छन् ।
नयाँ चितोसे जापानको सबैभन्दा व्यवस्त एयरपोर्टहरुमध्ये एक हो । जसले टोकियो र साप्पोरोबीचको विश्वको दोस्रो सर्वाधिक यात्रा गरिएको आन्तरिक हवाई मार्गमा सेवा प्रदान गर्छ । सन् २०२२ मा १ करोड १५ लाख बढी यात्रुहरुले यो विमानस्थल प्रयोग गरेका थिए ।
.png)
.jpg)
.jpg)
.jpg)
.gif)
(1).gif)
.gif)
