ग्राउण्ड जिरोका लगानीकर्ता भन्छन् ‘अर्थमन्त्री नेप्से पुगेर मात्रै हुँदैन, आफ्नै मन्त्रालयमा अड्केका फाइलको धुँलो पनि झार्नुपर्छ’

काठमाण्डौ । सधैंको साता जस्तै आज पनि हामी विभिन्न ब्रोकर हाउस पुगेर लगानीकर्ताहरुको विचार सुन्ने र बुझ्ने कार्यलाई निरन्तरता दिएका छौं । पछिल्लो समय बजार केही सुस्ताए पछि लगानीकर्ताहरुको उपस्थिति ब्रोकर हाउसहरुमा कम हुँदै गएको छ ।  

बजार बढ्दा ठूलो संख्यामा ब्रोकर हाउसमा पुग्ने लगानीकर्ताहरु हाल भने खासै देखिदैनन् । आज हामी सबै भन्दा पहिले बानेश्वरस्थित नगारिक स्टक डिलर (स्टक ब्रोकर नम्बर ६०) मा पुगेका थियौं । गत बिहिबारको बिदा पछि आज बजार खुलेको थियो ।  

बिहान पहिलो प्रहरमा बजार करिब ५० अंक भन्दा बढीले बढेको थियो । ब्रोकर हाउसमाको माहोल शान्त थियो । यत्तिकैमा एक गानीकर्ताले भने, ‘आज त बजार सर्किट लाग्छ भनेका थिए । बजार बढ्न त बढ्यो तर अन्तिमसम्म टिक्ला त ?’ ‘अन्तिमसम्म हेर्नु पर्छ, उनीसँगै बसेका लगानीकर्ताले जवाफ दिए ।

‘बजार बढेर के गुर्न हामी त फाइनान्समा डुबेका छौ । यस्तो बढाईले त ७ दिन बढे पछि मात्रै साँवा आउला,’ एक महिला लगानीकर्ताले भनिन् । ‘घटेको बेलामा किन्नु पर्छ । बढेको बेला खेलाडिको पछि लागेर किने पछि यस्तै हो,’ एक लगानीकर्ताले ती महिला लगानीकर्तालाई जवाफ दिए ।  

यतिकैमा एक लगानीकर्ता नमस्कार है, भन्दै ब्रोकर हाउस पसे । पहिले नै ब्रोकर हाउसमा बसेका लगानीकर्ताले भने, ‘कता हराउनु भयो ? धेरै  दिन पछि देखिनु भयो त ।’ उनले जवाफ फर्काउँदै भने बजार घटेको घट्यै छ । घटेको बजार हेर्न किन आउनु ?’

यसै ब्रोकरमा भेटिएकी एक महिला लगानीकर्ताले भनिन्, ‘एक सय रुपैयाँ फाइदा होला भनेर किनेको फाइनान्स कम्पनी २ सय रुपैयाँले घट्यो ।’ ब्रोकर हाउसमा यस्तै गल्फति चल्दै थिए । केही लगानीकर्ताले दशैं खर्च उठाउन किनेको सेयरले उल्टै घाटामा रहेको व्यथा पोख्दै थिए । अधिकांश लगानीकर्ता फाइनान्समा राम्रैसँग फसेको व्यथा पोख्दै थिए ।  

केही समयको बसाइ पछि हामी अनामनगरस्थित कालिका सेक्युरिटिज (स्टक ब्रोकर नम्बर ४६) मा पुग्यौं । यहाँ पनि पहिलेको तुलनामा लगानीकर्ता कमै देखिन्थे । ‘हाम्रा लगानीकर्ता साथिहरु त ब्रोकरहाउस आउनै छाडे । हामी भने जेनतेन आएका छौ । एकपल्ट ३२ सयमा परियो अर्कोपल्ट ३ हजारमा,’ एक लगानीकर्ताले भनेको सुनियो ।  

यसै ब्रोकरमा भेटिएका एक लगानीकर्ताले मारवाडीहरुले बोराका बोरा पैसा सेयर बजारबाट लगेको दाबी गरे ।  । ‘हामी त अब बजार कुरेर बस्ने हो,’ उनले भने । यस बेलासम्म दिनको १२ बजिसेकेको थियो । ठूलो अंकले बढेको बजार सामान्य अंकले मात्रै तल माथि गर्दैै थियो । २ घण्टमा जम्मा साढे २ अर्बबराबरको भोल्युम आएको थियो । यहाँ उपस्थित एक लगानीकर्ताले भने, ‘भोल्युम साह्रै ड्राइ अप भएको छ । बजार कि माथि लाग्छ कि निकै तल जान्छ ।’ उनी संगै बसेका लगानीकर्ताले भने, ‘तल जाने चान्स त कम छ । बजारले केही दिनमा फरि गति लिन्छ ।’

बजार सामान्य अंकले तल माथि गर्दै थियो । केही लगानीकर्ताले आजको बजार तल जाने तर्क गर्दै थिए । केहीले भने आज धानिएर बन्द भएमा भोलिबाट गति लिने तर्क गर्दै थिए ।  

यहाँबाट हामी नजिकै रहेको इम्पेरियल सेक्यूरिटिज (स्टक ब्रोकर नम्बर ४५) मा पुग्यौं । यहाँ पनि लगानीकर्ताहरुको उपस्थित सामान्य नै थियो । यस बेला सम्म भित्ताको घडिमा १ बजिसेकेको थियो । बजार के हुने भेन्ने बिषयमा लगानीकर्ताहरु अलमलमा नै देखिन्थे । यसै ब्रोकरमा भेटिएका केही लगानीकर्ताले दशैं सुरु भएका कारण पनि ब्रोकरबाट पैसा बाहिरिएको तर्क गरे । ती लगानीकर्तामध्ये एक जनाले भने, ‘पहिले लगानीकर्ताले सेयर बजारबाट खासै पैसा लग्दैनथे । अहिले घरखर्चको लागि पनि पैसा लग्ने गरेका छन् भन्ने सुनिन्छ । त्यसैले कारोबार पनि घटेको छ ।’  

यहाँ केही समय व्यतित गरेपछि हामी अनामनगरमा नै रहेको आर्यतारा (सेक्यूरिटिज स्टक ब्रोकर नम्बर ५७) मा पुग्यौं । यसबेलासम्म दिनका २ बजिसकेको थियो  हामी यहाँ पुग्दा केही लगानीकर्ता भने अगाडिको सिट्मा कुर्चि जोडेर  मस्त निदाएका थिए । केही भने हाई काढ्दै थिए । यतिकैमा एक लगानीकर्ताले भने, ‘उठ्नुहोस है साथि, बजार बढ्न थल्यो । सेयर किन्ने यस्तै बेला हो ।’

अर्का एक लगानीकर्ताले भने,‘अर्थमन्त्री बोले मात्रै काम भने केही गरेनन् । फाइल जति अर्थमन्त्रालयका घर्रामा धुलो लागेर बसेको छन् । मन्त्री भने नेप्से पुग्छन् । हेरौ अब अर्थमन्त्रालयका घर्रामा लागेको धुलो टक्टाकउँछन कि टक्काटाउँदैनन् ?’उनी संगै बसेका अर्को लगानीकर्ता भने, ‘अर्थमन्त्री नेप्से पुग्नु राम्रो हो । अब काम गरेर पनि देखाउनु पर्छ । अर्थमन्त्रीले अध्यक्ष छिटो चयन गर्नु पर्यो । आउने म्रौद्रिक नीतिमा जोखिम भार घटाएर क्याप हट्नु पर्यो । यति भए पछि बजारले राम्रै गति लिन्छ ।