.gif)
_(1).gif)
.jpg)
.png)
काठमाण्डौ । साताको पहिलो कारोबार दिन आज नेपाल स्टक एक्सचेञ्च(नेप्से) मा दोहोरो अंकको करेक्सन भएको छ । आज नेप्से परिसूचक १०.५० अंक अर्थात ०.५० प्रतिशतले घटेर २ हजार ८२.८२ बिन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.०२ प्रतिशतले घटेर ३७४.७५ विन्दुमा पुगेको छ । यो दिन नेप्सेमा सूचीकृत मध्ये ३०५ वटा कम्पनीको १ करोड ५लाख ७१ हजार १९९ कित्ता सेयर ४ अर्ब ८ करोड ५६ लाख रुपैयाँभन्दा बढीको कारोबार भएको छ ।
(1).gif)
आजको बजारबारे बजार जानकार मेहश रिजाल भन्छन,‘अघिल्लो साता लगातार बढेको बजारमा नाफा बुकका कारण करेक्सन आएको हो । अब छिट्टै मौद्रिक नीतिको समीक्षा आउँदैछ । फागुनबाट ब्याजदर पनि घटेर आउने देख्निछ । यहि कारण एक दुईदिनमा बजार सम्हालिन सक्छ । ’
उनका अनुसार विदेशी लगानी पनि सहज बन्दै गएकोले बजारमा सकारात्मक परिणाम देखिन सक्छ ।
अर्का बजार जानकार निमानन्द कंडेल भन्छन्,‘आज सुरुवातमा बढेको बजार अन्तिम समयसम्म टिक्न सकेन । गभर्नर फेरी बिदामा बस्ने समाचार आएपछि मौद्रिक नीतिको समीक्षा तत्काल नआउने आँकलन गरेर केहि अल्पकालिन ट्रेडरहरुले सेयर बिक्री गर्दा बजार घटेको हो ।’
बजार घटेतापनि डराईहाल्नुपर्ने अवस्था नरहेको कंडेलको धारणा छ ।
आज १३ वटा समूहमध्ये ३ वटा समूहमा मात्रै हरियाली छायो भने अन्य सबैमा रातो पोतिएको छ । आज विकास बैंक समूह ०.०९,हाईड्रो ०.२२ र म्युचुअल फण्ड ०.०५ प्रतिशतले बढे ।
यो दिन उत्पादन तथा प्रशोधन समूहमा सबैभन्दा धेरै अर्थात २.८८ प्रतिशतको गिारवट आएको छ । बैंकिङ उपसूचक ०.७८ प्रतिशतले घटेको आज वित्त ०.५३,होटल १.५९,लगानी ०.२८,जीवन बीमा ०.२८,निर्जीवन बीमा ०.३९,अन्य ०.०२ र व्यापार उपसूचक १.५५ प्रतिशतले घटे ।
धेरै कारोबार गर्ने कम्पनीहरु
आज पनि हिमालयन रिको सर्वाधिक सेयर कारोबार भएको छ । आज यो कम्पनीको ६२ करोड ४० लाख रुपैयाँबराबरको कारोबार भएको छ ।
त्यस्तै एनआरएनको १२ करोड ४ लाख हिमालयन डिष्टिलरीको ९ करोड २३ लाख,एनआईसी एशिया बैंकको ८ करोड ३२ लाख र हाथवे इन्भेष्टमेन्टको ८ करोड २५ लाख रुपैयाँ बढीको सेयर कारोबा भएको छ ।
धरै कमाउने र गुमाउने कम्पनीहरु
आज समाज लघुवित्त र कुथेली बुखरी स्मल हाईड्रोको सेयरमूल्यमा सकारात्मक सक्रिट लागेको छ । यी कम्पनीहरुको सेयरमूल्य क्रमशः १० र ९.९९ प्रतिशतले बढे ।
त्यस्तै गरी त्रिशुली जलविद्युत कम्पनीको सेयरमूल्य ६.७१,दोर्दी खोला जलविद्युत कम्पनीको ५.०८ र मायाखोला हाइड्रोको सेयरमूल्य ४.९० प्रतिशतले बढ्यो ।
आज युनिलिभर नेपालको सेयरमूल्य सर्वाधिक अर्थात ७.१४ प्रतिशतले घट्यो । यो दिन गुराँस लघुवित्तको सेयरमूल्य ७.१३,गणपति लघुवित्तको ४.६६ र किसान लघुवित्तको सेयरमूल्य ४.४७ प्रतिशतले घटेको छ ।
.gif)
.png)
.jpg)
.jpg)
(91).jpg)
(4).png)
.jpg)
(1).gif)
.gif)
