डेढ महिनापछि म्याक्डीमा बन्यो बुलिस क्रसओभर, आरएसआई पनि न्यूट्रल जोनबाट माथि

काठमाण्डौं । आइतबार दिनभर उत्तारचढाव देखिएको बजार परिसूचक(नेप्से) ५० अंक भन्दा बढीले बढेर बन्द भयो । बजार बढ्दा आज ६ अर्बभन्दा माथिको कारोबार भएको छ ।  

प्राविधिक रुपमा आजको बजारलाई म्याक्डीमार्फत नियाल्दा डेढ महिनापछि नेप्सेले आज बुलिस क्रसओभर दिएको छ । योसँगै हिस्टोग्राम सकारात्मक बनेको छ । यसअघि बजारले भदौ ६ गते म्याक्डीमा बियरिस क्रसओभर बनाएको थियो । त्यसपछि आज असोज २० गते बुलिस क्रसओभर बनेको हो । 

बोलिङ्गर ब्याण्डमार्फत नियाल्दा आज बजार मध्यब्याण्ड माथि टिकेको छ । आरएसआई पनि आज न्यूट्रल जोन ५० भन्दा माथि लागेको छ । आरएसआई पनि ओभरसोल्ड जोन करिब ३० बाट फर्केको हो ।  

समग्रमा तीनवटै इण्डिकेटरबाट नियाल्दा बजार करिब बुलिस यात्रा तय गर्दै गरेको अगाडि बढेको मान्न सकिन्छ ।

 बजारलाई डाउ थेउरीबाट नियाल्दा हायर हाइ बनाउँदै गरेको देखिन्छ ।  

आज २६ सय ५३ मा बन्द भएको बजारलाई पिभट्मार्फत नियाल्दा अबको प्रतिरोध क्रमश: २६८०, २७६० र २८८१ मा देखिन्छ । घटेमा भने बजारले २५६०, २४७८ र २३६० मा सपोर्ट लिनसक्छ ।  

(नोट: सेयर बजारमा लगानी जोखिमपूर्ण हुन्छ, यो बिश्लेषण कारोबारका लागि सिफारिस भने होइन ।)