हेड एण्ड सोल्जरको ‘नेक लाइनमा’ प्रतिरोध सामना गरेको नेप्सेको अबको यात्रा कस्तो ?

काठमाण्डौ । आज बजार २७ अंकले घटेर बन्द हुँदा कारोबार रकम पनि घटेको छ । प्राविधिक रुपमा आजको बजारलाई नियाल्दा यसअघिको हेड एण्ड सोल्जरको नेक लाइनमा प्रतिरोधको सामना गरेर खसेको छ । यो विन्दु भनेको बजारको यसअघिको पनि प्रतिरोधको बिन्दु नै थियो । यसकारण बजारले केही प्रतिक्रिया देखाएको देखिन्छ । 

बजारलाई डाउ थेउरीबाट नियाल्दा हायर हाइ र हायर लोका सिरिज बनेको देखिन्छ । यदि बजारले डेली बेसमा नै अझै एकदुई कारोबारमा गिरावट आउँछ भने पनि त्यो हायर लो बनाउन खसेको हुनसक्छ । अर्थात बजार माथि लाग्न नै तल खसेको भन्ने हो ।  

इण्डिकेटरबाट नियाल्दा बोलिङ्गर ब्याण्डको मध्यब्याण्ड भन्दा माथि नै बजार चलेको देखिन्छ । म्याक्डीमा बुलिस क्रसओभर भ्यालिड नै रहेको छ । 

यस्तै, हिस्टोग्राम सकारात्मक र लामा लामा नै रहेका छन् । आगामी दिनमा बजार घटेमा २६२२ मा बलियो सपोर्ट लिनसक्छ भने बढेमा बजारले २८६० मा प्रतिरोधको सामना गर्नुपर्ने हुनसक्छ ।  

(नोट: सेयर बजारमा लगानी जोखिमपूर्ण हुन्छ, यो बिश्लेषण कारोबारका लागि सिफारिस भने होइन ।)