फिल्मबाट स्वचालित कार र मानविय मेसिनको डिजाइन चोरी गरेको मस्कमाथि आरोप

काठमाण्डौ । साइन्स फिक्सन फिल्म आई रोबोटका निर्देशक, एलेक्स प्रोयासले अरबपति एलोन मस्कलाई मानवीय मेसिन र सेल्फ–ड्राइभिङ गाडीहरूको लागि आफ्नो डिजाइन प्रतिलिपि गरेको आरोप लगाएका छन् ।

मस्कले बिहीबार स्टेयरिङ ह्वील वा प्याडल नभएको टेस्लाको भविष्यको साइबरक्याब अनावरण गरेसँगै एलेक्सले यस्तो आरोप लगाएका हुन् ।

उनले मस्कलाई आफ्ना डिजाइनहरू फिर्ता दिन आग्रह समेत गरेका छन् । उक्त पोष्ट ६.४ मिलियन पटक हेरिएको छ ।

अस्ट्रेलियाली फिल्म निर्देशक एलेक्सले आफूले धेरै प्रतिभाशाली डिजाइन टोलीसँग फिल्मको भिजुअलहरू सिर्जना गर्न काम गरेको र एलन मस्कसँग त्यति प्रतिभाशाली डिजाइन टोली नभएको र आई रोबोट लगायत धेरै चलचित्र हेरेर डिजाइन चोरी गरेको भन्दै इन्स्ट्राग्राममा पोष्ट गरेका छन् ।