बुधबार, चैत्र २०,२०८१ 02:54:21
IME remit
  • बुधबार, चैत्र २०,२०८१ 02:54:21
IME remit
Global IME Bank Limited

नेप्सेमा ३०.५६ अंकको गिरावट,मौद्रिक नीतिको समीक्षा लगत्तै किन घट्यो बजार ?

Hyundai Nepal
नेप्सेमा ३०.५६ अंकको गिरावट,मौद्रिक नीतिको समीक्षा लगत्तै किन घट्यो बजार ?
Nabil Bank Limited

काठमाण्डौ । साताको तेस्रो कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक ३०.५६ अंक अर्थात १.४५ प्रतिशतले घटेर २ हजार ७०.५९ बिन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि १.५९ प्रतिशतले घटेर ३६९.९९ विन्दुमा पुगेको छ । यो दिन नेप्सेमा सूचीकृत मध्ये ३०५ वटा कम्पनीको १ करोड २१ लाख ६५ हजार २०२ कित्ता सेयर ४ अर्ब ६६ करोड ७१ लाख रुपैयाँभन्दा बढीको कारोबार भएको  छ ।

Shivam Cement
Bizshala
CG Motors

आजको बजारबारे नेपाल इन्भेष्टर फोरमका उपाध्यक्ष राजन लम्साल भन्छन,‘लगानीकर्ताले राष्ट्र बैंकको मौद्रिक समीक्षाबाट अलि बढी आशा राखेका कारण आज बजार घट्न पुगेको छ । यो बेमौसमी अपेक्षा थियो । खासमा केहि नीतिगत फेरबदल भएको छैन ।’

बजार बढ्छ भनेर सेयर खरिद गरेका लगानीकर्ताहरुले सेयर बिक्री गर्दा सेयर बजारमा गिरावट आएको उनले बताए ।  

अर्का बजार जानकार अर्जुन थापा भन्छन्,‘राष्ट्र बैंकप्रति लगानीकर्ताको विश्वास नभएका कारण बजार  घटेको हो । राष्ट्र बैंकले सेयर बजारका लगानीकर्तालाई कुनै सुविधा दिएन । अहिले मन्दीका कारण मानिसहरुसँग पैसाको अभाव छ ।’

बैंकहरुबाट सहजै कर्जा लिन सक्ने अवस्था पनि नरहेको र अल्पकालिन लगानीकर्ता हाबी हुँदा बजार घटेको थापा बताउँछन् ।    

यो दिन नेप्सेमा सूचीकृत सबै १३ वटा समूहमा रातो पोतियो । आज सबैभन्दा धेरै गिरावट विकास बैंक समूहमा देखियो । विकास बैंक समूह २.४० प्रतिशतले घटेको आज बैंकिङ १.०९,वित्त २.२०,होटल १.८०,हाईड्रो ०.५८,लगानी २.०६,जीवन बीमा १.७५,उत्पादन तथा प्रशोधन १.०३,लघुवित्त १.५५, म्युचुअल फण्ड ०.७०,निर्जीवन बीमा १.८० र अन्य समूह २.२७ प्रतिशतले घटे ।    

धेरै कारोबार गर्ने कम्पनीहरु

आज हिमालयन रि इन्स्योरेन्स कम्पनीको सर्वाधिक सेयर कारोबार भएको छ । यो कम्पनीको आज ३२ करोड ५० लाख रुपैयाँ बढीको सेयर कारोबार भएको छ । यो दिन सोनापुर मिनरल्सको ११ करोड ९२ लाख सानिमा मिडिल तमोरको १० करोड,सगरमाथा जलविद्युत कम्पनीको ९ करोड ३१ लाख र जोशी हाईड्रोपावरको ८ करोड ६६ लाख बढीको सेयर कारोबार भएको छ ।  

धरै कमाउने र गुमाउने कम्पनीहरु

यो दिन ३ वटा कम्पनीको सेयरमूल्यमा १० प्रतिशतको बढोत्तरीका साथ सकारात्मक सक्रिट लागेको छ ।  आज बोटलर्स नेपाल(बालाजु),समाज लघुवित्त र सुपर माई हाईड्रोपावरको सेयर मूल्य १० प्रतिशतले बढ्यो ।  

यस्तै,जोशी हाईड्रोको सेयरमूल्य ८.३३ र डोल्टी पावरको सेयरमूल्य ७.५० प्रतिशतले बढेको छ ।  

Laxmi Sunrise Bank Limited
Sagarmatha Cement
Muktinath Bikas Bank Limited
Nepal Investment Mega Bank Limited
Shivam Cement
New Office
Bizshala
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.