कलर सेक्टरको पहिलो आईपीओ जारी गर्दै एभरेष्ट कलर

काठमाण्डौ । एभरेष्ट कलर लिमिटेडले आईपीओ निष्कासन गर्ने भएको छ । कम्पनीले आईपीओ निष्कासनको अजेण्डा पारित गर्न साधारण सभा डाकेको छ। 

कम्पनीको कार्तिक ६ गते बसेको सञ्चालक समितिको बैठकले मंसिर १ गते शनिबारका दिन सभा डाकेको हो ।  सभा ध्यपुर ठिमीमा रहेको वाईट प्यालेस ब्याङक्वेटमा बिहान ११ बजेबाट सुरु हुनेछ।  

कलर सेक्टरको पहिलो आईपीओ जारी गर्ने तयारी भईरहेको कम्पनीले जनाएको छ । २६ करोड चुक्तापूँजी रहेको कम्पनीको १५ प्रतिशत सेयर सर्वसाधारणलाई जारी गर्ने कम्पनीको तयारी रहेको छ। 

यस्तै, सभामा सञ्चालक समितिको तर्फबाट अध्यक्षबाट पेश हुने आर्थिक वर्ष २०८०/०८१ को वार्षिक प्रतिवेदनमाथि छलफल गरी पारित गर्ने, लेखापरीक्षकको प्रतिवेदन सहितको आव २०८०/८१ को वासलात, नाफा र नोक्सान हिसाव, नगद प्रवाह लगायत वित्तीय विवरण छलफल गरी पारित गर्नेलगायतका प्रस्तावहरु पारित गरिनेछ ।