१९ गल्फ कोर्सका मालिक र रियल स्टेटका बादशाह ट्रम्पसँग कति छ सम्पत्ति ?

काठमाण्डौ । अमेरिकामा एकपटक फेरि ‘ट्रम्प कार्ड’चलेको छ । अमेरिकी राष्ट्रपति निर्वाचनमा रिपब्लिकन पार्टीका उम्मेदवार तथा भूतपूर्व राष्ट्रपति डोनाल्ड ट्रम्प जितको निकै नजिक पुगेका छन् । अमेरिकी समाचार एजेन्सी फक्स न्यूजले त ट्रम्पका्े जितको घोषणा नै गरिसक्यो ।  

अमेरिकामा सबैभन्दा धनी नेताको सूचीमा ट्रम्पको नाम आउने गर्छ । उनीसँग अरबौ डलर सम्पत्ति छ । यसका साथै मिडिया टेक्नोलोजीदेखि लिएर रियल स्टेट क्षेत्रसम्म विश्वभर उनको व्यवसाय फैलिएको छ ।  

७ अर्ब डलरभन्दा बढीका मालिक

अमेरिकाको धनाढ्य नेताको रुपमा परिचित ट्रम्प फेरि एकपटक वाइटहाउस प्रवेश गर्दैछन् । यदि उनको कुल सम्पत्तिको कुरा गर्ने हो भने उनको सम्पत्ति ६.६ अर्ब डलरदेखि ७.७ अर्ब डलरको बीचमा रहेको जनाइएको छ । फोब्र्स बिलिनियर्स इन्डेक्सका अनुसार ट्रम्पसँग ६.६ अर्ब डलरभन्दा बढी सम्पत्ति छ ।  

त्यस्तै ब्लूमबर्ग रिपोर्टका अनुसार ट्रम्पसँग सन् २०२४ समम ७.७ अर्ब डलरबराबरको सम्पत्ति रहेको छ ।  

सम्पत्तिमा ठूलो उतारचढाव

डोनाल्ड ट्रम्पले सन् २०१६ मा पहिलोपटक राष्ट्रपति निर्वाचन जित्दा उनको सम्पत्ति ४.५ अर्ब डलरबराबर थियो । राष्ट्रपतिमा निर्वाचित भएपछि उनको सम्पत्तिमा गिरावट आएको थियो । फोब्र्स डेटाका अनुसार सन् २०२० मा उनको सम्पत्ति घटेर २.१ अर्ब डलरमा सीमित बनेको थियो । तर पहिलो कार्यकाल समाप्त भएपछि उनको सम्पत्ति फेरि बढेर सन् २०२२ मा ३ अर्ब डलर पुगेको थियो ।  

रिपोर्टका अनुसार ट्रम्पको कुल सम्पत्तिमा सबैभन्दा बढी हिस्सा ट्रम्प मिडिया एण्ड टेक्नोलोजी ग्रुपको रहेको छ । ययपछि भने गल्फ क्लब,रिसोर्ट र बंगलाको रहेको छ । ट्रम्प मिडिया एण्ड टेक्नोलोजीको मूल्य ५.६ अर्ब डलरबराबर छ । अप्रिल २०२४ सम्म ट्रम्पसँग ट्रम्प मिडिया एण्ड टेक्नोलोजीको ११४.७५ मिलियन सेयर र ३६ मिलियन अर्नआउट सेयर रहेको छ । उनको अर्नआउट सेयरको मूल्य १.२ अर्ब डलर छ ।  

आलिशान महल

ट्रम्पसँग थुप्रै आलिशान प्रोपटीहरु पनि छन् । फ्लोरिडामा उनको १ करोड डलर मूल्यबराबरको मेन्सन छ । यस्तै सेन्ट मार्टिनमा पनि ट्रम्पको लक्जरी प्रोपटी छ । ह्वाइट हाउस छाडेपछि ट्रम्प फ्लोरिडामा रहेको मार–ए लागो नामक महलमा बस्थे । यसको निर्माण सन् १९२७ मा भएको थियो । जसलाई ट्रम्पले सन् १९८५ मा खरिद गरेका थिए ।  

२० एकड क्षेत्रफलमा फैलिएको यो महलमा ५८ वटा बेडरुम,३३ वाथरुम,१२ फायरप्लेस,एक स्पा,स्विमिङ पुल,टेनिस कोर्ट र गल्फ कोर्स छन् ।  

डोनाल्ड ट्रम्प गल्फको शौखिन हुन् र उनीसँग १९ वटा गल्फ कोर्स छन् । उनको सम्पन्नताको अन्दाज उनले कलेक्सन गरेको एयरक्राफ्टबाट पनि लगाउन सकिन्छ ।  

बुबाको कारोबारलाई बढाएका थिए अघि

ट्रम्पले रियल स्टेटको कारोबार आफ्नो बुबाबाट प्राप्त गरेका थिए । उनका बुबा फ्रेड ट्रम्प न्यूयोर्कको सबैभन्दा सफल रियल स्टेट कारोबार थिए । जसलाई पछि ट्रम्पले अघि बढाएका थिए ।