.gif)
_(1).gif)
.png)
काठमाण्डौ । सेयरबजारमा कसैले पनि कारोबार समयमा बजारलाई प्रभावित पार्ने गरि कुनै पनि अभिव्यक्ति दिन तथा कारोबारको जानकारी सार्वजनिक गर्न मिल्दैन । पूँजीबजारमा धेरै लगानीकर्तामाझ परिचय बनाएका दीपेन्द्र अग्रवालको फेसबुक पेजमा ६१ हजार भन्दा बढी फलोर्स रहेका छन् ।
प्रायः फेसबुक तथा क्लबहाउस जस्ता सामाजिक सञ्जालमा सक्रिय रहने दीपेन्द्र अग्रवाल बुधबारको कारोबारमा भने केही उत्तेजित रुपमा प्रस्तुत भए । उनी आफुु मात्रै उत्तेजित देखिएनन् कि अग्रवालले कम्पनीको स्क्रिप्ट नै तोकेर यस्तो लेखेका थिए, ‘आज मैले आफ्नो सम्पूर्ण फाइनान्स तथा पिपुल्स पावर र रिभर फल्स पावर लिमिटेड बेचेर जोशी हाइड्रो किन्ने निणर्य गरेको छु । के जोशी १००० पुग्ला?
(1).gif)
अग्रवालले यस्तो स्टाटस आएपछि लगानीकर्ताले उनको आलोचना गरेका छन् । केहीले सामाजिक प्रयोगकर्ताले उनको स्टाटसमा प्रतिक्रया जनाउँदै फेरी फाइनान्स पछि जोशी हाइड्रोमा टोपी लगाउने पालो आएको भन्दै कमेन्ट गरेका छन् । कारोबार समयमा नै फेस बुक र क्लबहाउसमा उनको चर्को आलोचना भए पछि अग्रावल माफी माग्न भने पछि हटेनन् । एक लगानीकर्ताले उनको आलोचना गरे पछि उनले क्लबहाउसमा बोल्दै आफुुबाट गल्ति भएको स्वीकार गर्दै उक्त स्टाटस मेटाउने र अब यस्तो नगर्ने पनि बताए । त्यसको केही समयमा उनले त्यो स्टाटस फेसबुक पेजबाट हटाए ।
यस अघि पनि दीपेन्द्र अग्रावलले सामाजिक सञ्जाल प्रयोग गरेर गोरखा फाइनान्स, नविल बैंक भन्दा माथी पुर्याएको बजारमा लगानीकर्ताहरुले आरोप लगाएका थिए । लगानीकर्ता टेकेन्द्र थपलियाले दीपेन्द्र अग्रावाल जस्ता लगानीकर्ताहरुकै कारण नेपाल राष्ट्र बैंक र अर्थ मन्त्रालय पूँजीबजारप्रति निर्मम भएको आरोप लगाए । उनले भने,‘यस्तै कारण हामीले अनेक प्रयास गर्दा पनि राष्ट्र बैंकलाई कन्भिन्स गर्न सकेनौ । यो दीपेन्द्रको गैरकानुनी कार्य नै हो । यसले उनी आफैलाइै अप्ठ्यारो पर्छ । दीपेन्द्र जस्तो बजारमा राम्रो परिचयन बनाएको व्यक्तिले कारोबार समयमा नै यस्तो अभिव्यक्ति दिनु स्वभनीय होइन ।’ उनले भने ।
अर्का एक लगानीकर्ता सूर्यनारायण पौडेलले पनि दीपेन्द्र अग्रवालले जोशी जस्तो कम्पनी हजार त पक्कै पुग्छ भनि सोझा लगानीकर्तालाई फेसबुकमार्फत फसाउँदै गरेको आरोप लगाए । उनले प्रश्न गर्दै भने,‘नियामकले के गर्दैछ ?’
नेपाल धितोपत्र बोर्डका प्रवक्ता मुक्तिनाथ श्रेष्ठले कसैले पनि बजारलाई प्रभावित पार्ने गरि अभिव्यक्ति दिन नमिल्ने बताए । यस्ता कार्य धितोपत्र बोर्डको सुपरिबेक्षण विभागले हेर्ने गरेको छ । यसमा कसैले उजुरी गरेको खण्डमा जरिवना तथा कैद पनि हुन सक्ने व्यवस्था रहेको उनले बताए । उनले सामाजिक सञ्जालमा बजारलाई प्रभावित पार्ने यस्ता क्रियाकलापलाई सुक्ष्म निगरानी गरिरहेको बताए ।
.gif)
.png)
.jpg)
.jpg)
.png)
.gif)
.gif)
