एनएलजी इन्स्योरेन्सको हकप्रदमा आवेदन दिन आजसम्म सेयरधनी बन्नु पर्ने

काठमाण्डौ । आजसम्म सेयर खरिद गर्नेले एनएलजी इन्स्योरेन्स कम्पनी लिमिटेडको हकप्रद सेयर खरिदका लागि आवेदन दिन पाउने छन् । कम्पनीले हकप्रद निष्कासन प्रयोजनका लागि कात्तिक २७ गते बुक क्लोज गर्दैछ ।  

यसर्थ आजसम्म कम्पनीको सेयर खरिद गरी कायम भएका सेयरधनीहरु मात्रै कम्पनीद्वारा जारी गरिने हकप्रद खरिद गर्न योग्य हुनेछन् ।  

कम्पनीले हाल कायम चुक्तापूँजीको १०ः६.२६३ अनुपातमा रु।१०० अंकित दरका कुल ९६ लाख ३१ हजार २२०।२२ कित्ता साधारण सेयर साविकका सेयरधनीहरुलाई हकप्रदमार्फत निष्कासन तथा बिक्री गर्ने तयारी गरेको छ । कम्पनीले आगामी मंसिर ११ गतेदेखि उक्त परिणामको हकप्रद सेयर जारी गर्दैछ ।