बुद्धभुमी नेपाल हाईड्रोपावर १.१३ करोड घाटामा, आम्दानीमा समेत गिरावट

काठमाण्डौ । बुद्धभुमी नेपाल हाईड्रोपावर कम्पनी लिमिटेड १ करोड १३ लाख रुपैयाँ घाटामा रहेको छ । कम्पनीले सार्वजनिक गरेको चालु आवको पहिलो त्रैमाससम्मको अपरिष्कृत वित्तीय विवरण अनुसार यस्तो देखिएको हो ।  

प्रतिवेदनअनुसार कम्पनी अघिल्लो आवको सोही अवधिसम्म भने ४९ लाख ४९ हजार रुपैयाँ घाटामा थियो । कम्पनीको विद्युत बिक्री आम्दानी पनि घटेको छ । अघिल्लो आवको पहिलो त्रैमाससम्म ४ करोड ९२ लाख रुपैयाँ रहेको कम्पनीको विद्युत बिक्री आम्दानी घटेर ४ करोड २९ लाख रुपैयाँमा सीमित बनेको छ ।  

कम्पनीको वित्त खर्च समेत बढेको छ । वित्त खर्च ३ करोड ३५ लाख रुपैयाँबाट बढेर ३ करोड ७३ लाख रुपैयाँ पुगेको छ । कम्पनीको प्रशासनिक खर्च ३९ लाख ४६ हजार रुपैयाँ रहेको छ ।  

यो अवधिमा कम्पनीको रिटेन्ड अर्निङ ७ करोड ५४ लाख रुपैयाँले ऋणात्मक अवस्थामा छ ।  

समीक्षा अवधिसम्म कम्पनीको प्रतिसेयर आम्दानी(त्रैमासिक)११.३७ रुपैयाँले ऋणात्मक,प्रतिसेयर नेटवर्थ ८४.४५ रुपैयाँ, प्रतिसेयर कुल सम्पत्तिको मूल्य ३४८.६५ रुपैयाँ र तरलता अनुपात ४७ प्रतिशत कायम भएको छ ।