सामसुङको सेयरमूल्यमा उछाल, ७.१९ अर्ब डलरबराबरको सेयर बाइब्याक गर्ने

काठमाण्डौ । सामसुङको सेयरमूल्यमा उछाल आएको छ । कम्पनीले ७.१९ अर्ब डलरबराबरको सेयर बाईब्याक गर्ने निर्णय गरेसँगै सोमबारको कारोबारमा कम्पनीको सेयरमूल्य ७ प्रतिशतले वृद्धि भएको छ ।

गत जुलाईमा सुरु भएको आन्दोलनका विषयमा श्रमिक युनियनसँग सम्झौता भएपछि गत शुक्रबार पनि कम्पनीको सेयरमूल्य ७.२१ प्रतिशतले बढेको थियो । कम्पनीले आगामी १२ महिनाको अवधिमा ७.१९ अर्ब डलरबराबरको सेयर बाईब्याक गर्ने योजना बनाएको छ ।

सामसुङले पछिल्लोपटक सन् २०१७ मा सेयर बाईब्याक गरेको थियो ।

गत नोभेम्बर १५ मा कम्पनीको सेयरमूल्य गत ४ वर्षकै न्यून विन्दुमा पुगेको थियो । नाफामा आएको गिरावट र अमेरिकी राष्ट्रपतिको निर्वाचनमा डोनाल्ड ट्रम्पले जित्ने भयका कारण कम्पनीको सेयरमूल्य न्यून स्तरमा पुगेको थियो ।