.gif)
_(1).gif)
.jpg)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक १४.४६ अंक अर्थात ०.६९ प्रतिशतले घटेर २ हजार ६२.०३ बिन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.९९ प्रतिशतले घटेर ३६८.५६ विन्दुमा पुगेको छ । यो दिन नेप्सेमा सूचीकृत मध्ये ३०५ वटा कम्पनीको १ करोड १४ लाख ७ हजार २६४ कित्ता सेयर ३ अर्ब ८६ करोड ९१ लाख रुपैयाँभन्दा बढीको कारोबार भएको छ । हिजो बजार ४ अर्ब २५ करोड बढीको कारोबार भएको थियो ।
(1).gif)
आजको बजारबारे बजार जानकार यज्ञ घिमिरे भन्छन्,‘लगानीकर्ताले कर्जा लिएर बजारमा लगानी गरेनन् । बैंक तथा वित्तीय संस्थाको रिपोर्टहरु पनि राम्रो आएन । जसका कारण बजारमा गिरावट आएको छ ।’
उनका अनुसार बजारमा सेयरको सप्लाई पनि बढी आएका कारण बजार घट्न पुगेको हो ।
अर्का बजार जानकार प्रकाश रजौरे भन्छन,‘मौद्रिक नीतिको समीक्षा सहज नआउदा बजार बढ्न नसकेको हो । अहिले लगानीको वातावरण बन्न सकेको छैन । लगानीलाई नीतिमार्फत निषेध गर्न खोजियो । यहिबीच कम्पनीहरुको वित्तीय प्रतिवेदनहरु पनि राम्रो आएन ।’
कम्पनीको नाफा घट्दा लगानीकर्ताहरु पनि निराश भएको उनले बताए ।
यो दिन नेप्सेमा सूचीकृत १३ वटा समूहमध्ये उत्पादन तथा प्रशोधन समूह मात्रै बढ्यो भने अन्य सबै समूहमा रातो पोतिएको छ । उत्पादन तथा प्रशोधन समूह ०.१५ प्रतिशतले बढ्यो ।
आज सबैभन्दा धेरै गिरावट वित्त समूहमा देखियो । यो समूह २.७१ प्रतिशतले घटेको आज बेंक समूह ०.५७,विकास बैंक १.४०,होटल ०.६३,हाईड्रो ०.३०,लगानी ०.५८,जीवन बीमा ०.६८,लघुवित्त ०.४७,म्युचुअल फण्ड ०.७८,निर्जीवन बीमा ०.७३,अन्य १.६२ र व्यापार समूह ०.९० प्रतिशतले घटे ।
धेरै कारोबार गर्ने कम्पनीहरु
यो दिन पनि हिमालयन रिइन्स्योरेन्सको सबैभन्दा बढी कारोबार भएको छ । उक्त कम्पनीको २२ करोड ८५ लाख रुपैयाँभन्दा बढीको कारोबार भएको छ ।
यस्तै,सगरमाथा जलविद्युत कम्पनीको ११ करोड ५९ लाख,जोशी हाईड्रोपावरको १० करोड ७५ लाख,एनआईसी एशिया बैंक ८ करोड ७० लाख र हिमालयन उर्जा कम्पनीको ८ करोड ५७ लाख बढीको कारोबार भएको छ ।
धरै कमाउने र गुमाउने कम्पनीहरु
यो दिन बोटलर्स नेपाल(बालाजु) र समाज लघुवित्तको सेयरमूल्यमा १० प्रतिशतको उछाल आउँदै सकारात्मक सक्रिट लागेको छ ।
यसैगरी छ्याङदी हाईड्रोको सेयरमूल्य ८.०१,जोशी पावरको ७.४७ र बलेफि हाईड्रोको सेयरमूल्य ५.३४ प्रतिशतले बढ्यो ।
आज मैलुङखोला जलविद्युतको सेयरमूल्य सर्वाधिक घट्यो । यो कम्पनीको सेयरमूल्यमा ५.७० प्रतिशतको गिरावट आयो ।
यो दिन प्रोग्रेसिभ फाइनान्सको सेयरमूल्य पनि ५.५८ प्रतिशत,महुली लघुवित्तको ५.४२ र रिभर फल्सको सेयरमूल्य ५.१५ प्रतिशतले घट्यो ।
.gif)
.png)
.jpg)
.jpg)
.jpg)
.gif)
.gif)
