राष्ट्रिय जीवन बीमा कम्पनीद्वारा सीईओ पदका लागि पुनः दरखास्त आह्वान

काठमाण्डौ । राष्ट्रिय जीवन बीमा कम्पनीले प्रमुख कार्यकारी अधिकृत(सीईओ)पदका लागि दोस्रोपटक सूचना जारी गरेको छ । कम्पनीले रिक्त रहेको सीईओ पद खुला प्रतियोगिताबाट परिपूर्ति गर्न दोस्रोपटक दरखास्त आह्वान गरेको हो ।  

यसअघि गत असोज १६ गते पहिलोपटक गरिएको दरखास्त आह्वानमा कुनै पनि उम्मेदवार सर्टलिष्ट परेका थिएनन् । कम्पनीले दोस्रोपटक खुलाएको दरखास्त आह्वानमा सूचना प्रकाशित भएको २१ दिनभित्र आवेदन दिनु पर्नेछ ।  

आवेदकको शैक्षिक योग्यता,अनुभव र उमेर कार्यविधिको दफा ४ बमोजिम योग्यता तथा उमेर भएको र कार्यविधिको दफा ६ बमोजिम अयोग्य नभएको हुनु पर्ने कम्पनीले जनाएको छ । 

दरखास्त आवेदन पेश गर्दा शैक्षिक योग्यता, अनुभव, सम्पर्क ठेगाना (इमेल, टेलिफोन, मोबाइल नम्बर, घर वा कार्यालयको ठेगाना) खुलेको विस्तृत वैयक्तित विवरण,उम्मेदवार आफैँले प्रमाणित गरेको नेपाली नागरिकताको प्रमाणपत्र र शैक्षिक योग्यताको प्रमाणपत्र, तालिम तथा अनुभवको कागजातको प्रतिलिपि र पाँच हजार शब्दमा नबढ्ने गरी तयार गरिएको कम्पनीको व्यावसायिक कार्ययोजना पेश गर्नु पर्नेछ ।