सिटी होटलले हकप्रद सेयर जारी गर्ने, प्राप्त रकम कुन प्रयोजनका लागि हुनेछ उपयोग ?

काठमाण्डौ । सिटी होटलले हकप्रद सेयर निष्कासन गर्ने भएको छ । कम्पनीको मंसिर १४ गते बसेको सञ्चालक समितिको बैठकले हकप्रद निष्कासनको निर्णय गरेको हो ।  

उक्त बैठकले हाल कायम चुक्तापूँजीको ८० प्रतिशत अर्थात १ः०.८ प्रतिशत हकप्रद सेयर जारी गर्ने निर्णय गरेको हो । सो हकप्रदबाट प्राप्त रकम कम्पनीको ऋण चुक्ता गर्नका लागि उपयोग गरिनेछ ।  

बैठकले हकप्रद निष्कासनको प्रस्ताव कम्पनीको आगामी साधारण सभाबाट अनुमोदनका लागि पेश गर्ने निर्णय समेत गरेको छ ।