मितेरी डेभलमेन्टको बैंकको सेयरमा बन्यो ‘डार्क क्लाउड कभर प्याटर्न’, आरएसआई ओभर बट जोनमा

काठमाण्डौ । मितेरी डेभलपमेन्ट बैंक नेपालको एउटा क्षेत्रीयस्तरको विकास बैंक हो । यो बैंक कम्पनी ऐन, २०६३ अन्तर्गत पूर्वको धरानलाई कार्यक्षेत्र बनाएर स्थापित भएको हो । यो बैंकका पूर्वी नेपालको धरान, विराटनगरलगायतका क्षेत्रमा १८ वटा शाखा कार्यालय छन् । बैंकले निक्षेप संकलन, कर्जा परिचालन र मोबाइल बैंकिङजस्ता सेवा सुविधा दिँदै अएको छ ।  

आधारभूत पक्षः  

यस आर्थिक वर्षको पहिलो त्रैमासिक प्रतिवेदनअनुसार कम्पनीको चूक्तापूँजी १ अर्ब ११ करोड रुपैया रहेको छ भने रिटेन अर्निङ १५ करोड ५४ लाख २८ हजार रुपैयाँ रहेको छ । कम्पनीको खुद मुनाफा ७३ लाख ६१ हजार रुपैयाँ रहेको छ । कम्पनीको प्रतिसेयर आम्दानी २.६५ रुपैंयाँ रहेको छ । कम्पनीको बुक भ्यालु १४४.०२ रुपैययाँ , खराब कर्जा १.८ प्रतिशत र रिर्टन अन इक्विटी १.८४ प्रतिशत रहेको छ ।  

प्राविधिक पक्षः  

क्याण्डल स्टिकका आधारमा  

क्याण्डल स्टिकको आधारमा डेली बेसमा हेर्दा यो कम्पनीमा पछिल्लो २ कारोबारमा डार्क क्लाउड कभर प्याटर्न बनेको छ । डार्क क्लाउड कभर प्याटर्नमा डबल क्याण्डल स्टिक प्यार्टनमा बन्ने गर्छ । जसमा पहिलो क्याण्डल हरियो र दोस्रो क्याण्डल रातो हुने गर्छ ।  दोस्रो क्याण्डल ग्याप अप ओपनिङ सहित खुलेर रातो क्याण्डल बन्ने गर्छ । यसको लागि पहिलो हरियो क्याण्डलको ५० प्रतिशत भन्दा तल दोस्रो क्याण्डल घटेर बन्द हुनु पर्ने हुन्छ । यस्तो अवस्थामा डार्क क्लाउड कभर बन्ने गर्छ ।  

यसले सम्भाबित रुपमा ट्रेन्ड रिभर्सलको संकेत गर्छ । मितेरी डेभलपमेन्ट बैंकको सेयर मूल्यमा त्यही अवस्था देखिन्छ । यो भनेको सम्भाबित रुपमा बिक्री दबाब रहेको भन्ने हो ।  

बोलिङ्गर ब्याण्ड म्याक्डी र आरएसआई  

बोलिङ्गर ब्याण्डको आधारमा यो कम्पनीको सेयर हाल अपर ब्याण्डमा डार्क क्लाउड कभर बनेको देखिन्छ । यो संगै म्याक्डीमा केही समय पहिले बनेको बुलिस क्रसओभर हालसम्म पनि भ्यालिड नै रहेको छ । आरएसआईले आभर बट जोन ७६ को तहबाट खसेर हाल ६८ को तहमा बन्द भएको छ । समग्रमा तीन वटै इन्डिकेटरबाट नियाल्दा यो कम्पनीको सेयरमा हाल बिक्री दबाब पर्दै गरेको देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – ९२६

प्रतिरोध २ – ८५८

प्रतिरोध १–  ८१०

पिभट् प्वइन्टः ७४२

घटेमा सपोर्ट  

सपोर्ट १– ६९५

सपोर्ट २– ६२६

सपोर्ट  ३ –५७९

निष्कर्षः  

मितेरी डेभलपमेन्ट बैंक आधारभूत रुपमा ठीकै देखिन्छ । समीक्षा अवधिको पहिलो त्रैमाससम्ममा कम्पनीको प्रतिसेयर आम्दानी ६१.६८ प्रतिशतले घटेको देखिन्छ । पूँजी बढ्दै जाँदा कम्पनीको रिर्टन अन इक्विटी घट्दै गएको छ भने खराब कर्जा बढेको देखिन्छ ।  प्राविधिक रुपमा पनि हाल ७९२ रुपैयाँ प्रतिकित्ता सेयर भाउ रहेको यो कम्पनीको सेयर भाउ हाल फियर एण्ड ग्रिड इन्डेक्समा बु्लिस सेन्टिमेन्टमा चलेको छ । तर क्याण्डल स्टिक प्यार्टनमा डार्क क्लाउड कभर र आरएसआईमा ओभर बट जोनबाट तल खसकेो कारण आगामी दिनमा यो कम्पनकिो सेयर भाउमा थप गिरावट आउन पनि सक्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारको लागि सिफारिस भने होइन ।