आरएसआई ओभरसोल्ड जोन नजिक पुगेको बजारमा कहाँबाट होला रिभर्सल ?

काठमाण्डौ । आज बजार ३१.४३ अंकले घटेर बन्द हुँदा ४ अर्ब ७६ करोडको कारोबार भयो । प्राविधिक रुपमा आजको बजारलाई नियाल्दा डोजी क्याण्ड पछि वियरिस प्रकृतिको क्याण्डल बनेको छ ।  

यसले घट्दो बजारलाई जनाउँछ । बोलिङ्गर ब्याण्डबाट नियाल्दा हाल बजार तल्लो ब्याण्डमा चलेको छ । अर्थात तल्लो ब्याण्डसँग–सँगै हिड्न खोजेको देखिन्छ । बजारलाई कारोबारबाट नियाल्दा आज घट्दो बजारमा कारोबार बढ्ेको छ । यसले बिक्री दबाब परेको बुझिन्छ ।  

त्यसैगरि, म्याक्डीमा केही समय पहिले बनेको बियरिस क्रसओभर भ्यालिड नै रहेको छ भने हिस्टोग्राम नेगेटिभ र लामा–लामा हुँदै गएका छन् । आरएसआई मार्फत नियाल्दा बजार करिब ओभर सोल्ड जोन ३६ को तहमा बजार पुगेको छ ।  

यसअघि बजार ओभर सोल्ड जोन करिब ३३ बाट बजार फर्केको थियो । पिभट् प्वइन्टबाट नियाल्दा दोस्रो सपोर्ट भत्काएको बजारका अन्य सपोर्ट क्रमशः २५७५  २५५० विन्दु आसपासमा रहेको देखिन्छ । त्यसैगरि बढेमा भने क्रमशः २६१७, २६५० र २७६८ विन्दुमा प्रतिरोध सामाना गर्न सक्छ । आज २६ सय तल झरको बजारको अबको सम्भावित रिभर्सल २५७५ विन्दु वा २५५० विन्दु आसपासबाट हुन सक्ने सम्भावना रहन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।