कृषि विकास बैंकमा रोजगारीको अवसर

OTHERS
मंगलवार, पुष २३,२०८१ 09:00:45

काठमाण्डौ । कृषि विकास बैंकमा रोजगारीको अवसर खुलेको छ । बैंकले एक सूचना जारी गर्दै करार सेवामा सुरक्षा अधिकृत पदका लागि दरखास्त आह्वान गरेको हो ।

यो पद वरिष्ठ शाखा प्रमुख सरह हुने बैंकले जनाएको छ । जम्मा १ जनाका लागि मात्रै दरखास्त आह्वान गरिएको यो पदका लागि नेपाली सेना वा नेपाल प्रहरी वा सशस्त्र प्रहरी (प्राविधिक बाहेक) को राजपत्रांकित द्वितीय श्रेणी वा सो सरहको पदबाट अयोग्य नठहरिने गरी नोकरी छाडेको वा निवृत्तिभरणमा अवकाश भएको हुनु पर्नेछ ।

यस्तै, शारीरिक एवं मानसिक रुपमा स्वस्थ रहेको र मान्यता प्राप्त विश्वविद्यालयवाट स्नातक वा सो सरहको परीक्षा उर्तिण गरेको हुनु पर्नेछ ।

आवेदकको उमेर ३५ वर्ष पुरा भई ५८ वर्ष ननाघेको हु्नुपर्ने बैंकले जनाएको छ । तलबसुविधा बैंकले तोकेबमोजिम हुनेछ । इच्छुक तथा योग्य आवेदकले सूचना प्रकाशित भएको १५ दिनभित्र आवेदन दिनु पर्नेछ ।