महुली लघुवित्तले गर्यो लाभांश नदिने निर्णय

काठमाण्डौ । महुली लघुवित्त वित्तीय संस्था लिमिटेडले गत आवका लागि आफ्ना सेय्धनीहरुलाई लाभाश प्रदान नगर्ने भएको छ । संस्थाको पुस २४ गते बसेको सञ्चालक समितिको बैठकले यस्तो निर्णय गरेको हो ।  

बैठकले आव २०८०/८१ को २०८१ असार मसान्तको वासलात, २०८० साउन १ देखी २०८१ असार ३१ सम्मको नाफा नोक्सान हिसाब, नगद प्रवाह विवरण तथा तत्सम्बन्धी अनुसूचीहरु सहितको वित्तीय विवरण स्वीकृत गरी आव २०८०/८१ को २०८१ असार मसान्तमा कायम रहेको वितरण योग्य मुनाफालाई सचित गरी आव। २०८० र ०८१ को लागी लाभांश वितरण नगर्ने निर्णय गरेको छ ।  

साथै, सञ्चालक समितिबाट पारित आव २०८०/८१ को वित्तीय विवरण साधारण सभा प्रयोजनार्थ प्रकाशन गर्ने स्वीकृतीको लागी नेपाल राष्ट्र बैंक समक्ष पेश गर्ने निर्णय समेत भएको संस्थाले जनाएको छ ।