डिप्रोक्स लघुवित्तको २३ औं साधारण सभा सम्पन्न

काठमाण्डौ । डिप्रोक्स लघुवित्त वित्तीय संस्था लिमिटेडको वार्षिक साधारण सभा सम्पन्न भएको छ । संस्थाको २३ औं साधारण सभा पुस २६ गते शुक्रबारका दिन चितवनको सौराहामा सम्पन्न भएको हो ।  

साधारण सभाले आव २०८०/८१ को वार्षिक प्रतिवेदन पारित गरी आव २०८०/८१ को लागि लेखापरीक्षकको नियुक्तिलगायतका प्रस्तावहरुसँगै सेयरधनीहरुलाई ९.५० प्रतिशत बोनस सेयर र कर प्रयोजनको लागि ०.५० प्रतिशत नगद लाभांश बितरण गर्ने प्रस्ताव समेत पारित गरेको छ । बोनस सेयरपश्चात यस संस्थाको चुक्तापूँजी रु. १ अर्ब ८६ करोड ८२ लाख ८५ हजार पुगेको छ ।

संस्थाका सञ्चालक समितिका अध्यक्ष दिपक खनालको अध्यक्षतामा सम्पन्न २३ औं वार्षिक साधारण सभामा आव. २०८०/८१ को वार्षिक प्रतिवेदनमाथि सहभागी सेयरधनीहरुले राखेको जिज्ञासाहरुको अध्यक्षले स्पष्ट पारेका थिए । 

साथै, सभामा प्रमुख कार्याकारी अधिकृत शेषरमण आचार्यले स्वागत मन्तब्य राखेका थिए । कार्यक्रम सञ्चलन कम्पनी सचिव ज्ञानेन्द्र अर्यालले गरेका थिए ।

संस्थापकतर्फका ३ जना सञ्चालकको निर्वाचनबाट हिमलाल पौडेल (कृषि विकास बैंकको तर्फबाट), कैलाश रिजाल (डिप्रोक्स–नेपालको तर्फबाट) र दिपक खनाल (लुम्बिनी विकास बैंकको तर्फबाट) निर्विरोध निर्वाचित भएका थिए ।