माघका लागि एनआईशी एशिया बैंकले तोक्यो ब्याजदर, कुनमा कति ?

काठमाण्डौ । एनआईसी एशिया बैंकले माघ महिनाका लागि नयाँ ब्याजदर सार्वजनिक गरेको छ । जसअनुसार बैंकले व्यक्तिगत र संस्थागत मुद्दती निक्षेपको ब्याजदर स्थिर राखेको छ ।  

बैंकले व्यक्तिगत मुद्दती निक्षेपको अधिकतम ब्याजदर ६.६० प्रतिशत कायम गरेको छ ।    

बैंकले माघ महिनाका लागि व्यक्तिगत निक्षेपतर्फ ३ महिना अवधिका लागि ३.५० प्रतिशत ३ महिनादेखि १ वर्ष अवधिका लागि ४ प्रतिशत,१ वर्षदेखि ५ वर्षसम्मका लागि ५ प्रतिशत र ५ वर्षभन्दा माथिका लागि ६.६० प्रतिशत ब्याजदर निर्धारण गरेको छ ।  

त्यस्तै बैंकले संस्थागत मुद्दती निक्षेपको ब्याजदरमा पनि कुनै परिवर्तन गरेको छैन । बैंकले संस्थागत मुद्दती निक्षेपको ६ महिनादेखि २ वर्षसम्मका लागि ३ प्रतिशत,२ वर्षभन्दा माथि र ५ वर्षभन्दा मुनिका लागि ३.५० र ५ वर्षभन्दा माथिका लागि ५.६० प्रतिशत ब्याजदर प्रदान गर्ने निर्णय गरेको छ ।