.gif)
_(1).gif)
.png)
काठमाण्डौ । खुलेआम कर्नरिङ र निर्देशित कारोबारको परिणाम स्वरुप साताको अन्तिम कारोबार दिन बिहीबार पनि वित्तीय अवस्था खराब रहेका केही कम्पनीले सकारात्मक सर्किट हानेका छन् ।
चालु आर्थिक वर्षको दोश्रो त्रैमासको वित्तीय विवरणमा मुख्य सूचक निकै कमजोर भएका र नकारात्मक बनेका तथा घाटामा गएका कम्पनीको सेयरमा सकारात्मक सर्किट लाग्ने क्रम केही सातादेखि चलिरहेको छ । यो क्रमले बिहीबार पनि निरन्तरता पाएको छ ।
(1).gif)
यो दिन पनि धेरै मूल्य बढेका ७ कम्पनीमध्ये ३ कम्पनीको सेयरमूल्यमा पोजिटिभ सर्किट लागेको(सर्किट लेभलमा कारोबार भएका समेत) छ। सर्किट लागेको र त्यही लेभलमा कारोबार भएका तीनैवटै कम्पनीको दोश्रो त्रैमाससम्मको रिटर्न अन इक्वीटी(आरओई) नेगेटिभ छ ।
समाज लघुवित्त, जोशी हाइड्रो र सामलिङ पावरको सेयरमूल्यमा सकारात्मक सर्किट लागेको(सर्किट लेभलमा कारोबारसहित) हो । यी तीनवटै कम्पनीको दोश्रो त्रैमाससम्मको रिटर्न अन इक्वीटी नेगेटिभ छ । समाजको ३.६९, जोशीको १.१४ र सामलिङको ५.९० प्रतिशतले आरओई नेगेटिभ छ ।
समाज र जोशीको वार्षिककृत प्रतिसेयर आम्दानी(इपीएस) पनि नेगेटिभ छ । सामलिङको भने ५.४९ रुपैयाँले पोजिटिभ छ ।
दोश्रो त्रैमाससम्म समाज र जोशी क्रमशः १६.७ लाख र १८.२५ लाख रुपैयाँ घाटामा छन् । सामलिङ भने १ करोड ३७ लाखले नाफामा छ । जोशीको प्रतिसेयर नेटवर्थ ६६.१८ रुपैयाँ मात्र छ । अंकित मूल्यभन्दा कम नेटवर्थ भएको यो कम्पनीको सेयरमूल्य केही दिनदेखि नियोजित ढंगले बढाइएको छ ।
बिहीबार धेरै मूल्य बढेका ७ कम्पनीमध्ये अन्य चारमा बोटलर्स नेपाल(तराई) लिमीटेड, बोटलर्स नेपाल(बालाजू) लिमीटेड, ग्रामीण विकास लघुवित्त र गोर्खाज फाइनान्स रहेका छन् ।
यी चार कम्पनीमध्ये बोटलर्स नेपाल(तराई) र बोटलर्स नेपाल(बालाजु) समेत दोश्रो त्रैमासमा घाटामा गएका कम्पनी हुन् । बोटलर्स नेपाल(तराई)को इपीएस ६१ र बालाजुको ७४ रुपैयाँले नेगेटिभ छन् । यी दुवै कम्पनीका आरओई, पीई पनि नेगेटिभ छ । बोटलर्स नेपाल(तराई) र बोटलर्स नेपाल(बालाजू) क्रमशः २०.७ करोड तथा २५.६८ करोडले घाटामा छन् ।
ग्रामीण विकास लघुवित्तको इपीएस १९.७२ रुपैयाँ र गोर्खाज फाइनान्सको २८.०२ रुपैयाँ रहेको छ । यी दुवै कम्पनी दोश्रो त्रैमाससम्ममा नाफामै छन् र दुवैको आरओई र पीई पनि सन्तोषजनक नै छ ।
.gif)
.png)
.jpg)
(106).jpg)
(1).png)
.gif)
.gif)
