धितोपत्र बजार पूँजीकरण हालसम्मकै उच्च, करिब ४८ खर्ब पुग्यो

काठमाण्डौ । धितोपत्र बजार पूँजीकरण हालसम्मकै उच्च पुगेको छ । आज नेप्सेमा उछाल आउदा धितोपत्र बजार पूँजीकरण ४७ खर्ब ९९ अर्ब रुपैयाँ बढी पुगेको हो ।

यसअघि गत साउन ३१ गते धितोपत्र बजार पूँजीकरण हालसम्मकै उच्च अर्थात ४७ खर्ब ६५ करोड रुपैयाँ पुगेको थियो ।

पछिल्लो ९ दिनदेखि नेप्से परिसूचक निरन्तर बढिरहेको छ । जसको प्रभाव बजार पूँजीकरण समेत परेको छ । आज नेप्से परिसूचक २.६७ प्रतिशत अर्थात ७५.२४ अंकले बढ्यो । यो वृद्धिसँगै नेप्से परिसूचक २ हजार ८९० विन्दुुमा पुगेको छ ।

आज बजारमा १४ अर्ब २५ करोड रुपैयाँ बढीको सेयर कारोबार भएको छ ।