राष्ट्रिय जीवन बीमा कम्पनीद्वारा साधारण सभा आह्वान

काठमाण्डौ । राष्ट्रिय जीवन बीमा कम्पनी लिमिटेड(साविकको राष्ट्रिय बीमा संस्थान)ले वार्षिक साधारण सभा डाकेको छ । चैत १० गते बसेको कम्पनीको सञ्चालक समितिको बैठकले प्रथम साधारण सभा डाकेको हो ।  

उक्त सभा आगामी वैशाख ३ गते काठमाण्डौको रामशाहपथमा रहेको कम्पनीको प्रधान कार्यालयमा दिउँसो ४ बजेदेखि सुरु हुनेछ । सभामा कम्पनीको सञ्चालक समितिको गत असार ३ गते बसेको बैठकले स्वीकृत गरेको पूँजी वृद्धि योजनालाई अनुमोदन गर्ने र कम्पनीको प्रबन्त्रपत्र तथा नियमावलीमा समयानुकुल संशोधन गर्न/गराउन सञ्चालक समितिलाई अख्तियारी प्रदान गर्ने विशेष प्रस्ताव पारित गरिनेछ ।  

यस्तै सभामा सञ्चालक समितिका तर्फबाट अध्यक्षद्वारा प्रस्तुत गरिने वार्षिक प्रतिवेदनमाथि छलफल गरी पारित गर्ने,नेपाल सरकारको गत जेठ ३ गतेको निर्णय र तत्पश्चात गयिठत सञ्चालक समितिलाई अनुमोदन गरी सोही सञ्चालक समितिलाई निरन्तरता दिने र लेखापरीक्षकको प्रतिेवदनसहितको साविकको राष्ट्रिय बीमा संस्थानको आर्थिक वर्ष २०६९/७०, २०७०/७१,२०७१/७२,२०७२/७३ र २०७३/७४ सम्मको वासलात,नाफा नोक्सान हिसाब,सोही अवधिको नगद प्रवाह विवरण लगायतका वित्तीय विवरणहरुसहित अनुसूचीहरु छलफल गरी पारित गरिनेछ ।  

सभामा आव २०७६/७७, २०७७/७८ र २०७८/७९ को लेखापरीक्षण गर्न लेखापरीक्षकको नियुक्ती तथा निजको पारिश्रमिकलाई अनुमोदन गरिनेछ ।