नेप्सेमा थपियो झण्डै ५४ लाख कित्ता बोनस सेयर

काठमाण्डौ । नेपाल स्टक एक्सचेञ्ज (नेप्से)मा थप दुई कम्पनीको बोनस सेयर सूचीकृत भएको छ । नेपाल एसबिआई बैंक र फरवार्ड माइक्रोफाइनान्स लघुवित्तको बोनस सेयर सूचीकृत भएको हो ।  

नेपाल एसबिआई बैंकको ३.८० प्रतिशत दरका कुल ३९ लाख ९० हजार ५७ कित्ता बोनस सेयर सूचीकृत भएको हो । योसँगै कम्पनीको नेप्सेमा सूचीकृत सेयर संख्या १० करोड ८९ लाख ९१ हजार ५८१ पुगेको छ ।  

त्यस्तै, फरवार्ड माइक्रोफाइनान्सको १३.३० प्रतिशत दरको कुल १४ लाख ३ हजार ८९९ कित्ता बोनस सेयर सूचीकृत भएको हो । योसँगै संस्थाको सूचीकृत सेयर संख्या १ करोड १९ लाख ५९ हजार ५३९ पुगेको छ ।  

नेप्सेमा आज दुई कम्पनीको कुल ५३ लाख ९३ हजार ९५६ कित्ता बोनस सेयर सूचीकृत भएको हो । उक्त बोनस सेयर भोलिदेखि नै कारोबार गर्न मिल्नेछ ।