अमेरिकाबाट धेरैभन्दा धेरै वस्तुहरु खरिद गर्ने भियतनामको योजना

काठमाण्डौ । भियतनामले अमेरिकाबाट धेरैभन्दा धेरै वस्तुहरु खरिद गर्ने जनाएको छ । भियतनामका प्रधानमनत्री फाम मिन्ह चिनले अमेरिकाबाट सुरक्षा तथा रक्षासँग सम्बन्धित र अन्य वस्तुहरुको खरिद बढाउने बताएका हुन् ।

यस्तै उनले अमेरिकामा निर्मित हवाई जहाजहरु तीव्र रुपमा आपूर्ति हुने विश्वास समेत प्रकट गरेका छन् ।

भियतनाम अमेरिकी राष्ट्रपति डोनाल्ड ट्रम्पको ट्यारिफ नीतिबाट सबैभन्दा प्रभावित देशमध्येको एक हो । ट्रम्पले भियतनामलाई ४६ प्रतिशत भन्सार शुल्क निर्धारण गरेका छन् ।

भियतनामको अमेरिकासँग ठूलो व्यापार घाटा छ । भियतनामका प्रधानमन्त्रीले ट्यारिफको विषयमा अमेरिकासँग कुटनीतिक पहल गर्ने बताएका छन् ।