नेपाल इन्स्योरेन्सको अध्यक्षमा साउद चयन, सञ्चालकमा पन्त नियुक्त

काठमाण्डौ । नेपाल इन्स्योरेन्स कम्पनी लिमिटेडको अध्यक्षमा चन्द्र सिंह साउद चयन भएका छन् । कम्पनीको जेठ १२ गते बसेको सञ्चालक समितिको बैठकले कम्पनीको सञ्चालक समितिको अध्यक्षमा साउदलाई सर्वसम्मत रुपमा चयन गर्ने निर्णेय गरेको हो ।

साउद विसं २०७९ जेठ ३० गतेदेखि कम्पनीको सञ्चालकको रुपमा रहदै आएका छन् । उनले संस्थापक सेयरधनीका तर्फबाट सञ्चालक समितिमा प्रतिनिधित्व गर्दै आईरहेका थिए ।

यस्तै जेठ १२ गते नै बसेको कम्पनीको सञ्चालक समितिको बैठकले रिक्त रहेको सञ्चालक पदमा समता पन्तलाई सञ्चालक नियुक्त गर्ने निर्णय गरेको छ । उनी संस्थापक सेयरधनी नेपाल बैंकको तर्फबाट कम्पनीको सञ्चालक समितिमा मनोनयन भएकी हुन् ।