.gif)
(1).gif)
(2).gif)
.jpg)
.gif)
.png)
काठमाण्डौ । विश्व बजारमा ४ ट्रिलियन डलर बजार पूँजीकरण भएको अर्को एउटा कम्पनी थपिएको छ । यससँगै ४ ट्रिलियन डलर बजार पूँजीकरण भएको कम्पनीको संख्या दुई पुगेको छ ।
अमेरिकी टेक कम्पनी माइक्रोसफ्टको बजार पूँजीकरण ४ ट्रिलियन डलर नाघेको हो । कम्पनीले अपेक्षा गरेभन्दा राम्रो आम्दानी गरेसँगै सेयरमूल्यमा उछाल आउदा कम्पनीले यो दुलर्भ किर्तिमान हासिल गरेको हो । बुधबार कम्पनीको सेयरमूल्य ८ प्रतिशतले बढ्यो । जसका कारण कम्पनीको धितोपत्र बजार पूँजीकरण ४.१ ट्रिलियन डलर पुगेको छ ।
(2).gif)
यसअघि ४ ट्रिलियन डलर बजार पूँजीकरण भएको कम्पनीको रुपमा एनभिडिया मात्रै थियो । एनभिडियाले पनि यो रेकर्ड केही समयअघि मात्रै राखेको हो ।
माइक्रोसफ्टको आम्दानी १८ प्रतिशतले बढेको प्रतिवेदन सार्वजनिक भएको छ । जुन विगत ३ वर्षकै उच्च वृद्धि हो । एज्योर क्लाउड कम्प्युटिङ बिजनेशका कारण कम्पनीको आम्दानी वृद्धि भएको छ । कम्पनीले एज्योरको आम्दानी पहिलोपटक सार्वजनिक गरेको छ । कम्पनीका अनुसार सन् २०२५ को वित्त वर्षमा एज्योर र अन्य क्लाउड सर्भिसबाटको आम्दानी ७५ बिलियन डलर नाघेको छ । जुन अघिल्लो वर्षको तुलनामा ३४ प्रतिशतले बढी हो ।
बुधबार कम्पनीको सेयरमूल्य प्रतिकित्ता ५१३ डलर कायम भएको छ । वार्षिक रुपमा कम्पनीको सेयरमूल्य २२ प्रतिशतले बढेको छ ।
पछिल्लो समय एआई व्यवसायबाट माइक्रोसफ्ट र एनभिडियाले लोभलाग्दो आर्जन गरिरहेका छन् ।
.gif)
.png)
.jpg)
.jpg)
.png)
.png)
