.gif)
_(1).gif)
.png)
काठमाण्डौ । आर्थिक मन्दीको प्रभाव बैंकहरुको वित्तीय विवरणमा देखिएको छ । विशेष गरी २० वाणिज्य बैंकहरुको चालु आर्थिक वर्षको दोश्रो त्रैमाससम्मको नाफामा आर्थिक मन्दी तथा सुस्तताको प्रभाव देखिएको छ ।
अस्तित्वमा रहेका २० वाणिज्य बैंकमध्ये चारवटाको मात्र नाफा बढेको छ ।
विषम परिस्थितिका बाबजुद हिमालयन बैंकले गत आर्थिक वर्षको दोश्रो त्रैमासको तुलनामा खूद नाफामा ५७.५३ प्रतिशतको बढोत्तरी गर्न सफल देखिएको छ ।
यस्तै, नाफामा ३२.१३ प्रतिशतको बढोत्तरीसहित प्राइम कमर्सियल बैंक धेरै नाफा कमाउने बैंकको दोश्रो नम्बरमा आउन सफल देखिएको छ ।
एभरेष्ट बैंकले पनि नाफा बढाउने सफलता पाएको छ भने गत वर्ष यही अवधिमा घाटामा रहेको कृषि विकास बैंक पनि नाफामा गएको छ ।
बाँकी सबै बैंकको नाफा घटेको छ । सबैभन्दा बढी नेपाल बैंकको नाफा घटेको छ। अघिल्लो वर्षको यही अवधिको तुलनामा नेपाल बैंकको नाफा करिब ५० प्रतिशतले घटेको छ ।
त्यसपछि एनआईसी एशियाको नाफा करिब ४२ प्रतिशत तथा प्रभू बैंकको करिब ४० प्रतिशतले घटेको छ ।
धेरै नाफा कमाउने बैंकको सूचीमा सधैं झै नवील बंैक पहिलो नम्बरमा छ । नवीलले दोश्रो त्रैमाससम्ममा ३ अर्ब २० करोड खूद नाफा आर्जन गरेको छ । दोश्रो नम्बरमा पर्न सफल प्राइम कमर्सियल बैंकले २ अर्ब १८ करोड, तेश्रोमा ग्लोबल आईएमई बैंकले २ अर्ब ४ करोड, राष्टिय वाणिज्य बैंकले २ अर्ब १ करोड र एनआईसी एशियाले १ अर्ब ९० करोड नाफा आर्जन गरेका छन् ।
धेरै नाफा कमाउने बैंकहरुको सूचीमा कुल १ अर्ब ८० करोडसहित नेपाल इन्भेष्टमेन्ट मेगा छैठौं, १ अर्ब ७२ करोडसहित स्ट्याण्डर्ड चार्टर्ड सातौं, १ अर्ब ७१ करोडसहित एभरेष्ट आठौं, १ अर्ब ५० करोडसहित हिमालयन बैंक नवौं र १ अर्ब ३७ करोडसहित एनएमबी बैंक १० नम्बरमा रहेका छन् ।
.gif)
.png)
.jpg)
.jpg)
.gif)
.gif)
.gif)
