गणपति लघुवित्तद्वारा साधारण सभा आह्वान, छैन लाभांशको प्रस्ताव

काठमाण्डौ । गणपति लघुवित्त वित्तीय संस्था लिमिटेडको फागुन १५ गते बसेको सञ्चालक समितिको बैठकले नवौँ वार्षिक साधारण सभा डाकेको छ । बैठकले कास्कीमा रहेको होटल डेब्रेकमा बिहान साढे ११ बजेदेखि सभा आयोजना गर्ने निर्णय गरेको हो ।  

संस्थाले गत आवका लागि कुनै पनि प्रकारको लाभांश नदिने निर्णय गरेकाले सभामा लाभांससँग सम्बन्धित कुनै पनि अजेण्डा पेश हुने छैन । सभामा अन्य कुनै लघुवित्तसँग एक आपसमा गाभ्ने÷गाभिने तथा प्राप्तिसम्बन्धी उपयुक्त प्रस्ताव आएमा सोसँग सम्बन्धित सम्पूर्ण कार्य गर्नका लागि सञ्चालक समितिलाई पूर्ण अख्तियारी प्रदान गर्ने विशेष प्रस्ताव पारित गरिनेछ ।  

यस्तै सञ्चालक समितिको तर्फबाट अध्यक्षद्वारा प्रस्तुत गरिने गत आवको वार्षिक प्रतिवेदनमाथि छलफल गरी पारित गरिनुका साथै लेखापरीक्षकको प्रतिवेदनसहित गत असार मसान्तसम्मको वासलात,नाफा नोक्सान हिसाब नगद प्रवाह विवरण पारित गरिनेछ ।  

चालु आवका लागि लेखापरीक्षकको नियुक्ती तथा निजको पारिश्रमिक निर्धारण गर्ने तथा एकजना सर्वसाधारण सेयरधनीको मनोनयनलाई अनुमोदन गर्ने र ३ जना संस्थापक सञ्चालकको निर्वाचन गर्ने प्रस्ताव समेत सभाबाट पारित हुनेछ ।  

साधारण सभा प्रयोजनका लागि संस्थाले चैत ३ गते एक दिनका लागि बुक क्लोज गर्ने निर्णय गरेको छ ।