निरन्तर घट्दै सुनको भाउ, आज तोलामै रु.६५ सयको गिरावट

काठमाण्डौ । सुनको मूल्य निरन्तर घटेको छ । आजपनि नेपाली बजारमा सुनको भाउ तोलामै ६ हजार ५०० रुपैयाँ घटेको नेपाल सुनचाँदी व्यवसायी महासंघले जनाएको छ ।  

महासंघका अनुसार आजको लागि सुनको मूल्य प्रतितोला २ लाख ७५ हजार ५०० रुपैयाँ कायम गरिएको छ । अघिल्लो दिन सुनको मूल्य २ लाख ८२ हजार रुपैयाँ थियो । 

सुनसँगै चाँदीको मूल्यमा पनि गिरावट आएको छ । आज चाँदीको मूल्य तोलामै ११५ रुपैयाँले घटेको छ ।  

महासंघका अनुसार आजको लागि चाँदीको मूल्य प्रतितोला ४ हजार ४२५ रुपैयाँ कायम गरिएको छ । अघिल्लो कारोबार दिन चाँदीको मूल्य प्रतितोला ४ हजार ५४० रुपैयाँ थियो ।