सुनको मूल्य १.६१% ले घट्दा चाँदीमा ३.११% को पहिरो

काठमाण्डौ । सुनचाँदीको भाउ घरेलु बजारमा पुनः घटेको छ ।  

नेपाल सुनचाँदी व्यवसायी महासंघले शुक्रबार लागि तोकेको मूल्यसूचिअनुसार सुनचाँदीको भाउमा गिरावट आएको देखिएको हो । 

शुक्रबारका लागि सुनको मूल्य प्रतितोला २ लाख ८१ हजार तोकिएको छ । यो भनेको अघिल्लो दिन(बिहीबार)को तुलनामा ४ हजार ६०० रुपैयाँले कम हो । बिहीबार सुनको मूल्य प्रतितोला २ लाख ८५ हजार ६०० रुपैयाँ रहेको थियो । यसरी हेर्दा सुनको मूल्य १.६१ प्रतिशतले घटेको देखिन्छ । 

सुनसँगै चाँदीको मूल्यमा पनि ठूलो गिरावट आएको छ । बिहीबार प्रतितोला ४ हजार ८२० रहेको चाँदीको मूल्य तोलामै १५० रुपैयाँले घटेर शुक्रबार ४ हजार ६७० रुपैयाँ कायम भएको हो । यसरी हेर्दा चाँदीको मूल्य ३.११ प्रतिशतले घटेको देखिएको छ ।